યહોશુઆ ૧૫:૧-૬૩
૧૫ યહૂદા કુળને એનાં કુટુંબો પ્રમાણે ચિઠ્ઠીઓ નાખીને વહેંચી અપાયેલો વિસ્તાર+ અદોમની સરહદ,+ ઝીનના વેરાન પ્રદેશ અને નેગેબના દક્ષિણ છેડા સુધી ફેલાયેલો હતો.
૨ તેઓના વિસ્તારની દક્ષિણ તરફની હદ ખારા સમુદ્રના* છેડાથી,+ એટલે કે દક્ષિણ તરફના અખાતથી શરૂ થતી હતી.
૩ એ આક્રાબ્બીમના ચઢાણથી દક્ષિણમાં ઝીનના વિસ્તાર સુધી ફેલાયેલી હતી.+ પછી દક્ષિણે ઉપર કાદેશ-બાર્નેઆ+ અને હેસરોન થઈને છેક આદ્દાર સુધી જઈને કાર્કા તરફ વળતી હતી.
૪ એ આસ્મોનથી+ પસાર થઈને ઇજિપ્તના વહેળા*+ સુધી ફેલાયેલી હતી. એની હદ સમુદ્ર* પાસે પૂરી થતી હતી. આ તેઓની દક્ષિણ તરફની હદ હતી.
૫ પૂર્વ તરફની હદ ખારો સમુદ્ર* હતી, જે યર્દનના છેડા સુધી હતી. ઉત્તરના ખૂણાની હદ યર્દનના છેડાએ, ખારા સમુદ્રના અખાત સુધી હતી.+
૬ એ હદ બેથ-હોગ્લાહ સુધી હતી+ અને બેથ-અરાબાહની ઉત્તર તરફ પસાર થઈને+ રૂબેનના દીકરા બોહાનના પથ્થર સુધી જતી હતી.+
૭ એ હદ આખોરની ખીણ પાસે દબીર સુધી હતી+ અને ગિલ્ગાલ તરફ ઉત્તર બાજુએ વળતી હતી,+ જે અદુમ્મીમના ચઢાણ આગળ છે, એટલે વહેળાની દક્ષિણે. એ એન-શેમેશના ઝરાઓ પાર કરીને+ એન-રોગેલ આગળ પૂરી થતી હતી.+
૮ પછી એ હિન્નોમની ખીણ* સુધી,+ દક્ષિણમાં યબૂસીઓના ઢોળાવ સુધી,+ એટલે કે યરૂશાલેમ સુધી હતી.+ પછી, પશ્ચિમમાં હિન્નોમની ખીણની આગળ આવેલા પહાડની ટોચ સુધી હતી, જે પહાડ ઉત્તરમાં રફાઈમની ખીણને છેડે આવેલો છે.
૯ એ હદ પહાડની ટોચથી નેફતોઆહના ઝરા સુધી હતી+ અને એફ્રોન પર્વતનાં શહેરો સુધી ફેલાયેલી હતી; એ હદ બાઅલાહ એટલે કિર્યાથ-યઆરીમ સુધી હતી.+
૧૦ એ હદ બાઅલાહથી વળીને પશ્ચિમ તરફ સેઈર પર્વત સુધી અને ઉત્તરમાં યઆરીમ પર્વતના ઢોળાવ, એટલે કસાલોન સુધી હતી. એ નીચે બેથ-શેમેશ સુધી+ અને ત્યાંથી તિમ્નાહ સુધી હતી.+
૧૧ એ હદ ઉત્તરમાં એક્રોનના+ ઢોળાવ સુધી અને શિક્કરોન સુધી ફેલાયેલી હતી. પછી એ બાઅલાહ પર્વત પાર કરીને યાબ્નએલ સુધી ફેલાયેલી હતી અને સમુદ્ર પાસે પૂરી થતી હતી.
૧૨ પશ્ચિમ તરફની હદ મોટા સમુદ્ર*+ અને એના કિનારા સુધી હતી. યહૂદાના વંશજોને તેઓનાં કુટુંબો પ્રમાણે ચારે બાજુ મળેલા વિસ્તારની આ હદ હતી.
૧૩ યહોવાએ યહોશુઆને આપેલી આજ્ઞા પ્રમાણે, તેણે યફૂન્નેહના દીકરા કાલેબને+ યહૂદાના વંશજોમાં હિસ્સો આપ્યો, એટલે કે કિર્યાથ-આર્બા આપ્યું, જે હેબ્રોન+ શહેર છે. (આર્બા તો અનાકનો પિતા હતો.)
૧૪ કાલેબે ત્યાંથી અનાકના+ ત્રણ દીકરાઓને હાંકી કાઢ્યા: શેશાય, અહીમાન અને તાલ્માય.+ તેઓ અનાકના વંશજો હતા.
૧૫ કાલેબ ત્યાંથી નીકળીને દબીરના લોકો સામે લડવા ગયો.+ (દબીરનું નામ અગાઉ કિર્યાથ-સેફેર હતું.)
૧૬ કાલેબે કહ્યું: “જે માણસ કિર્યાથ-સેફેર પર હુમલો કરીને એને જીતી લેશે, તેની સાથે હું મારી દીકરી આખ્સાહને પરણાવીશ.”
૧૭ કાલેબના ભાઈ કનાઝના+ દીકરા ઓથ્નીએલે+ એ જીતી લીધું. કાલેબે પોતાની દીકરી આખ્સાહ+ તેની સાથે પરણાવી.
૧૮ તે પોતાના પતિના ઘરે જતી હતી ત્યારે, તેણે ઓથ્નીએલને કાલેબ પાસેથી ખેતર માંગવા કહ્યું. તે પોતાના ગધેડા પરથી ઊતરી પડી.* કાલેબે તેને પૂછ્યું: “તારે શું જોઈએ છે?”+
૧૯ તેણે કહ્યું: “કૃપા કરીને મને આશીર્વાદ આપો. તમે મને દક્ષિણમાં* જમીન આપી છે; મને ગુલ્લોથ-માઈમ* પણ આપો.” કાલેબે તેને ઉપરનું ગુલ્લોથ અને નીચેનું ગુલ્લોથ આપ્યું.
૨૦ યહૂદા કુળનો તેઓનાં કુટુંબો પ્રમાણે એ વારસો હતો.
૨૧ દક્ષિણમાં અદોમની સરહદ+ તરફ યહૂદા કુળના છેવાડાનાં શહેરો આ હતાં: કાબ્સએલ, એદેર, યાગૂર,
૨૨ કીનાહ, દીમોનાહ, આદઆદાહ,
૨૩ કેદેશ, હાસોર, યિથ્નાન,
૨૪ ઝીફ, ટેલેમ, બેઆલોથ,
૨૫ હાસોર-હદાત્તાહ અને કરીયોથ-હેસરોન, એટલે કે હાસોર,
૨૬ અમામ, શેમા, મોલાદાહ,+
૨૭ હસાર-ગાદ્દાહ, હેશ્મોન, બેથ-પેલેટ,+
૨૮ હસાર-શૂઆલ, બેર-શેબા,+ બિઝ્યોથ્યાહ,
૨૯ બાઅલાહ, ઇયીમ, એસેમ,
૩૦ એલ્તોલાદ, કસીલ, હોર્માહ,+
૩૧ સિકલાગ,+ માદમાન્નાહ, સાન્સાન્નાહ,
૩૨ લબાઓથ, શિલ્હીમ, આઈન અને રિમ્મોન,+ કુલ ૨૯ શહેરો અને એનાં ગામડાઓ.
૩૩ શેફેલાહમાં+ આ શહેરો હતાં: એશ્તાઓલ, સોરાહ,+ આશ્નાહ,
૩૪ ઝાનોઆહ, એન-ગાન્નીમ, તાપ્પૂઆહ, એનામ,
૩૫ યાર્મૂથ, અદુલ્લામ,+ સોખોહ, અઝેકાહ,+
૩૬ શાઅરાઈમ,+ અદીથાઈમ, ગદેરાહ અને ગદરોથાઈમ,* કુલ ૧૪ શહેરો અને એનાં ગામડાઓ.
૩૭ સનાન, હદાશાહ, મિગ્દાલ-ગાદ,
૩૮ દિલઆન, મિસ્પેહ, યોક્તએલ,
૩૯ લાખીશ,+ બોસ્કાથ, એગ્લોન,
૪૦ કાબ્બોન, લાહમામ, કિથ્લીશ,
૪૧ ગદેરોથ, બેથ-દાગોન, નાઅમાહ અને માક્કેદાહ,+ કુલ ૧૬ શહેરો અને એનાં ગામડાઓ.
૪૨ લિબ્નાહ,+ એથેર, આશાન,+
૪૩ યફતા, આશ્નાહ, નસિબ,
૪૪ કઈલાહ, આખ્ઝીબ અને મારેશાહ, કુલ નવ શહેરો અને એનાં ગામડાઓ.
૪૫ એક્રોન અને એની આસપાસનાં* નગરો અને એનાં ગામડાઓ;
૪૬ એક્રોનની પશ્ચિમે આશ્દોદ બાજુના બધા વિસ્તારો અને એનાં ગામડાઓ.
૪૭ આશ્દોદ,+ એની આસપાસનાં નગરો અને એનાં ગામડાઓ; ગાઝા,+ એની આસપાસનાં નગરો અને એનાં ગામડાઓ; છેક ઇજિપ્તના વહેળા સુધી, મોટો સમુદ્ર* અને એની આસપાસનો વિસ્તાર.+
૪૮ પહાડી વિસ્તારનાં શહેરો શામીર, યાત્તીર,+ સોખોહ,
૪૯ દાન્નાહ, કિર્યાથ-સાન્નાહ એટલે કે દબીર,
૫૦ અનાબ, એશ્તમોહ,+ આનીમ,
૫૧ ગોશેન,+ હોલોન અને ગીલોહ,+ કુલ ૧૧ શહેરો અને એનાં ગામડાઓ.
૫૨ અરબસ્તાન, દૂમાહ, એશઆન,
૫૩ યાનીમ, બેથ-તાપ્પૂઆહ, અફેકાહ,
૫૪ હુમ્ટાહ, કિર્યાથ-આર્બા એટલે કે હેબ્રોન+ અને સીઓર, કુલ નવ શહેરો અને એનાં ગામડાઓ.
૫૫ માઓન,+ કાર્મેલ, ઝીફ,+ યૂટ્ટાહ,
૫૬ યિઝ્રએલ, યોકદઆમ, ઝાનોઆહ,
૫૭ કાઈન, ગિબયાહ અને તિમ્નાહ,+ કુલ દસ શહેરો અને એનાં ગામડાઓ.
૫૮ હાલ્હૂલ, બેથ-સૂર, ગદોર,
૫૯ માઅરાથ, બેથ-અનોથ અને એલ્તકોન, કુલ છ શહેરો અને એનાં ગામડાઓ.
૬૦ કિર્યાથ-બઆલ, એટલે કે કિર્યાથ-યઆરીમ+ અને રાબ્બાહ, બે શહેરો અને એનાં ગામડાઓ.
૬૧ વેરાન પ્રદેશનાં શહેરોમાં બેથ-અરાબાહ,+ મિદ્દીન, સખાખાહ,
૬૨ નિબ્શાન, મીઠાનું શહેર અને એન-ગેદી,+ કુલ છ શહેરો અને એનાં ગામડાઓ.
૬૩ યરૂશાલેમમાં રહેતા+ યબૂસીઓને+ યહૂદાના લોકો હાંકી કાઢી શક્યા નહિ.+ એટલે આજ સુધી યબૂસીઓ યરૂશાલેમમાં યહૂદાના લોકો સાથે રહે છે.
ફૂટનોટ
^ એટલે કે, મૃત સરોવર.
^ એટલે કે, મોટો સમુદ્ર, ભૂમધ્ય સમુદ્ર.
^ એટલે કે, મૃત સરોવર.
^ મૂળ, “હિન્નોમના દીકરાની ખીણ.” શબ્દસૂચિમાં “ગેહેન્ના” જુઓ.
^ એટલે કે, ભૂમધ્ય સમુદ્ર.
^ અથવા કદાચ, “ગધેડા પર બેઠાં બેઠાં તેણે ધ્યાન ખેંચવા તાળી પાડી.”
^ અથવા, “નેગેબમાં.”
^ અર્થ, “પાણીના ઝરા.”
^ અથવા કદાચ, “ગદેરાહ અને એનાં ઘેટાંના વાડા.”
^ અથવા, “એના પર આધાર રાખતાં.”
^ એટલે કે, ભૂમધ્ય સમુદ્ર.
