શું તમે વ્યક્તિગત બાઇબલ અભ્યાસમાંથી પૂરેપૂરો ફાયદો મેળવવા માંગો છો? એમ હોય તો નીચે આપેલાં સૂચનો લાગુ પાડો:

• સારી જગ્યા પસંદ કરો. જો શક્ય હોય તો એવી જગ્યા પસંદ કરો, જ્યાં પૂરતો પ્રકાશ હોય અને બધું વ્યવસ્થિત ગોઠવેલું હોય. તમે ચાહો તો ટેબલ-ખુરશી પર બેસીને અથવા બહાર કોઈ જગ્યાએ જઈને અભ્યાસ કરી શકો.

• એકાંત શોધો. ઈસુ ‘વહેલી સવારે એકાંત જગ્યાએ જઈને પ્રાર્થના’ કરતા હતા. (માર્ક ૧:૩૫) જો તમારા માટે એકાંતમાં અભ્યાસ કરવો શક્ય ન હોય, તો તમે તમારાં કુટુંબીજનો અથવા સાથે રહેતા સભ્યોને તમારા અભ્યાસનો સમય જણાવી શકો. તમે તેઓને વિનંતી કરી શકો કે એ સમય દરમિયાન તમને ખલેલ ન પહોંચાડે.

• ધ્યાન ભટકવા ન દો. જો તમે અભ્યાસ માટે ફોન કે ટેબ્લેટ વાપરતા હો, તો એને એવા મોડ પર મૂકો જેથી તમને ખલેલ ન પહોંચે અથવા એવું સેટિંગ કરો જેથી તમને કોઈ ફોન કે મેસેજ ન આવે. જો તમારું ધ્યાન ભટકવા લાગે તો ઊભા થઈને કમર સીધી કરો અથવા થોડું ચાલો. અભ્યાસની વચ્ચે તમને કોઈ કામ યાદ આવે તો એને લખી લો અને અભ્યાસ પછી એને પૂરું કરો.