વિશ્વ આરોગ્ય સંસ્થા મુજબ, ૨૩ મે, ૨૦૨૨ સુધી કોવિડ-૧૯ના કારણે ૬૨ લાખ ૭૦ હજાર લોકોનાં મરણ થયાં છે. જોકે, ૫ મે, ૨૦૨૨ના રોજ જાહેર થયેલ એક સમાચારમાં એ સંસ્થાએ અનુમાન લગાવ્યું હતું કે જીવ ગુમાવનાર લોકોની સંખ્યા એના કરતાં ઘણી વધારે છે. એમાં જણાવ્યું હતું કે વર્ષ ૨૦૨૦ અને ૨૦૨૧ દરમિયાન ‘અમુકનું મરણ કોવિડ-૧૯ મહામારીને લીધે થયું, જ્યારે કે અમુકનું મરણ એને લગતાં બીજાં કારણોને લીધે થયું. એમાં જીવ ગુમાવનાર લોકોની સંખ્યા આશરે ૧ કરોડ ૪૯ લાખ હતી.’ એવા બનાવો વિશે વાંચીને આપણું કાળજું કપાઈ જાય છે. શું બાઇબલમાં એના વિશે કંઈ લખ્યું છે?

•    ઈસુએ ભાખ્યું હતું કે એવો સમય આવશે જ્યારે દુનિયા ફરતે “રોગચાળો ફેલાશે.” બાઇબલમાં એ સમયગાળાને ‘છેલ્લા દિવસો’ કહેવામાં આવે છે.—લૂક ૨૧:૧૧; ૨ તિમોથી ૩:૧.

 ઈસુની એ ભવિષ્યવાણી આજે પૂરી થઈ રહી છે. એ વિશે વધુ જાણવા આ લેખ વાંચો: “‘છેલ્લા દિવસો’ કે ‘અંતના સમયની’ નિશાની શું છે?”

•    “દિલાસો આપનાર ઈશ્વર . . . આપણી બધી કસોટીઓમાં આપણને દિલાસો આપે છે.”—૨ કોરીંથીઓ ૧:૩, ૪.

 જેઓના સગા-વહાલાઓ ગુજરી ગયા છે, તેઓમાંથી ઘણાને બાઇબલમાંથી ઘણો દિલાસો મળ્યો છે. વધુ માહિતી માટે આ લેખો જુઓ: “શોકના વમળમાંથી બહાર આવવા—તમે શું કરી શકો?” અને “શોકમાં ડૂબેલાઓ માટે સૌથી સારું આશ્વાસન.”

•    “તમારું રાજ્ય આવો. જેમ સ્વર્ગમાં તેમ પૃથ્વી પર તમારી ઇચ્છા પૂરી થાઓ.”—માથ્થી ૬:૧૦.

 જલદી જ “ઈશ્વરનું રાજ્ય” આવશે ત્યારે બીમારીઓ નહિ હોય. એ સમયે “‘હું બીમાર છું,’ એવું કોઈ કહેશે નહિ.” (માર્ક ૧:૧૪, ૧૫; યશાયા ૩૩:૨૪) એ રાજ્ય ખરેખર શું છે અને એ શું કરશે, એના વિશે વધુ જાણવા આ વીડિયો જુઓ: ઈશ્વરનું રાજ્ય શું છે?

 બાઇબલમાં સારી સલાહ અને જોરદાર વચનો આપ્યાં છે. એમાંથી શીખીને તમે અને તમારું કુટુંબ ફાયદો મેળવી શકો છો.