૨ (15)

જીવન દીપ નહિ બૂઝે

(યોહાન ૩:૧૬)

૧ સંપનો રંગ સૌનાં દિલમાં, ખીલશે સુંદર ફૂલો જેમ

સૂર્ય ઊગશે શાંતિનો, સુખનાં આંસુ વેʼશે

સૌ ગાશે આનંદથી

આ સરગમ ફેલાવશે

બૂઝશે નહિ જીવન દીપ

યહોવા જ્યોત દેશે

૨ ત્યારે કોઈ ભૂખ્યા નઈ હોય, સૌ પેટ ભરીને ખાશે

પ્યાસની રાતો નહિ હોય, દૂધની ધારા વહેશે

સૌ ગાશે આનંદથી...

૩ ખીલતાં ફૂલ ડોલતી કળી, દુઃખના કાંટા નઈ ખૂંચે

ઘડપણ વળાંક લેશે ને, જુવાની આવશે રે

સૌ ગાશે આનંદથી...

૪ જીવનની લાંબી ડાળી, નહિ તૂટશે કદી રે

ખુદ યહોવા કહે છે, સુખના દિવસો આવશે

સૌ ગાશે આનંદથી...