જેલમાં હતા ત્યારે, પાઊલ અને સીલાસે ઈશ્વર માટે સ્તુતિગીતો ગાયાં હતાં. (પ્રેકા ૧૬:૨૫) નાઝી સમયમાં સક્સેનહુસેન છાવણીમાં અને સાઇબિરિયાની ગુલામીમાં ઈશ્વરભક્તોએ રાજ્યગીતો ગાયાં હતાં. આ દાખલાઓ બતાવે છે કે, સતાવણીનો હિંમતથી સામનો કરવા રાજ્યગીતો આપણી મદદ કરે છે.

ઘણી ભાષાઓમાં બહુ જ જલદી ગીતોની નવી ચોપડી બહાર પાડવામાં આવશે. એનું નામ છે, “સીંગ આઉટ જોયફુલી” ટુ જેહોવા. એ ગીતોના શબ્દો તમારા દિલમાં છાપી લો. કુટુંબ તરીકેની ભક્તિ દરમિયાન એ ગીતોની પ્રેક્ટિસ કરો. (એફે ૫:૧૯) સતાવણીના સમયમાં એ ગીતો યાદ કરવા પવિત્ર શક્તિ આપણી મદદ કરશે. ભાવિની આશા પર ધ્યાન લગાવવા રાજ્યગીતો આપણી મદદ કરે છે. કસોટીઓ વખતે એ આપણી હિંમત વધારે છે. આપણું હૃદય પ્રફુલ્લિત હોય છે ત્યારે, આ ગીતોના સુંદર શબ્દો આપણને ‘મોટે સ્વરે’ ઈશ્વરની સ્તુતિ કરવા પ્રેરણા આપે છે. (૧કા ૧૫:૧૬; ગી ૩૩:૧-૩) ચાલો, પૂરા દિલથી રાજ્યગીતોનો ઉપયોગ કરવા બનતું બધું કરીએ.

એક ગીત જેણે કેદીઓની હિંમત વધારી વીડિયો બતાવો અને આ સવાલોની ચર્ચા કરો:

• કેવા સંજોગોએ ભાઈ ફ્રોસ્ટને ગીત રચવા પ્રેર્યા?

• સક્સેનહુસેન છાવણીમાં કેદ ભાઈઓને ગીતો દ્વારા કેવી મદદ મળી?

• કેવા અલગ અલગ સંજોગોમાં રાજ્યગીતો તમને હિંમત આપી શકે છે?

• કયાં રાજ્યગીતો તમે મોઢે કરવા માંગો છો?