મહાન વિપત્તિ ઝડપથી આવી રહી છે, એટલે આપણું પ્રચારકાર્ય ખૂબ જ તાકીદનું બની ગયું છે. (નીતિ ૨૪:૧૧, ૧૨, ૨૦) લોકોને મદદ કરવા આપણે કોન્ટેક્ટ કાર્ડ વાપરીને તેઓનું ધ્યાન બાઇબલ અને આપણી વેબસાઇટ તરફ દોરી શકીએ છીએ. કાર્ડ પર ક્યુઆર કોડ આપવામાં આવ્યો છે, જે બાઇબલમાંથી કેમ શીખવું જોઈએ? વીડિયો તરફ લઈ જાય છે. કાર્ડ પર એક આમંત્રણ પણ છે, જે વ્યક્તિને વધારે માહિતી મેળવવા અથવા બાઇબલ અભ્યાસ માટે વિનંતી કરવા ઉત્તેજન આપે છે. અમુક લોકો આપણું સાહિત્ય લેતા અચકાય છે, પણ તેઓને આપણી વેબસાઇટ વિઝિટ કરવામાં કોઈ વાંધો નથી. તેઓને કોન્ટેક્ટ કાર્ડ આપતા અચકાશો નહિ. જોકે, રસ ન હોય તેઓને કોન્ટેક્ટ કાર્ડ આપશો નહિ.

રોજબરોજના જીવનમાં લોકોને મળો તેમ, તમે આમ કહીને તેઓનો રસ કેળવી શકો: “મારે તમને કંઈક આપવું છે. આ કાર્ડ એવી વેબસાઇટ વિશે જણાવે છે, જેના પર અલગ અલગ વિષયો પર માહિતી અને વીડિયો છે. એનો કોઈ ચાર્જ નથી.” (યોહ ૪:૭) કોન્ટેક્ટ કાર્ડ નાના હોવાથી તમે પોતાની સાથે અમુક રાખી શકો અને તક મળે ત્યારે લોકોને એ આપી શકો.