કેમ જરૂરી: ઈસુએ શીખવ્યું કે તેમના શિષ્યો પ્રેમના ગુણથી ઓળખાઈ આવશે. (યોહ ૧૩:૩૪, ૩૫) ખ્રિસ્ત જેવો પ્રેમ બતાવવા આપણે હંમેશા બીજાઓનો વિચાર કરવાની અને ગુસ્સા પર લગામ રાખવાની જરૂર છે.—૧કો ૧૩:૫.

કઈ રીતે કરશો:

• કોઈના વાણી-વર્તનથી તમને દુઃખ પહોંચે તો, પહેલા વિચાર કરો કે એ વ્યક્તિએ શા માટે એમ કર્યું. એ પણ વિચારો કે તમે સામે જે કંઈ કરશો એનું કેવું પરિણામ આવશે.—નીતિ ૧૯:૧૧.

• યાદ રાખો, આપણે બધા ભૂલને પાત્ર છીએ. ઘણી વખત આપણે પોતે એવું કંઈક કહીએ છીએ અથવા કરીએ છીએ, જેના માટે પછીથી આપણને પસ્તાવો થાય છે

• મતભેદોને જલદી જ થાળે પાડો

“એકબીજા પર પ્રેમ રાખો”—સ્વાર્થ અને ગુસ્સાને ટાળો વીડિયો જુઓ અને નીચેના સવાલોના જવાબ આપો:

• લેરી કઈ રીતે ટોમની વાત પર ભડકી ઊઠ્યા?

• થોભીને વિચાર કરવાથી કઈ રીતે ટોમને ગુસ્સો કાબૂમાં રાખવા મદદ મળી?

• ટોમે શાંતિથી જવાબ આપ્યો એનું કેવું પરિણામ આવ્યું?