પ્રેરિત પાઊલે તિતસને પત્રમાં લખ્યું કે, ‘દરેક બાબતમાં સારું કામ કરવાનો દાખલો બેસાડ.’ એ સલાહ બધા યુવાન ભાઈઓ માટે પણ હતી. (તિ ૨:૬, ૭) પછી એ જ પત્રમાં તેમણે જણાવ્યું કે ઈસુએ યહોવાના લોકોને શુદ્ધ કર્યા છે, જેથી તેઓ ‘સારાં કામ માટે ઉત્સાહી બની શકે.’ (તિ ૨:૧૪) સારાં કામો કરવાની એક રીત છે, ઈશ્વરના રાજ્યનો પ્રચાર કરવો અને એ વિશે શીખવવું. જો તમે યુવાન હોવ તો, સહાયક કે નિયમિત પાયોનિયરીંગ કરવામાં તમારી શક્તિ વાપરી શકો?—નીતિ ૨૦:૨૯.

તમારે પાયોનિયર બનવું હોય તો, એવો પ્લાન બનાવવાની જરૂર છે, જેને તમે પહોંચી વળો. (લુક ૧૪:૨૮-૩૦) દાખલા તરીકે, નિયમિત પાયોનિયર બનો ત્યારે, પોતાનું ભરણ-પોષણ કઈ રીતે કરશો? દર મહિને પ્રચારના કલાકો કેવી રીતે પૂરા કરશો? પ્રાર્થનામાં યહોવાની મદદ માંગો. (ગી ૩૭:૫) તમારાં માબાપ અને લાંબા સમયથી પાયોનિયરીંગ કરતા ભાઈ-બહેનો સાથે તમારા પ્લાન વિશે વાત કરો અને તેઓની સલાહ લો. પછી, એ ધ્યેય પૂરો કરવા પગલાં ભરો. યહોવા ચોક્કસ તમારી મહેનત પર આશીર્વાદ આપશે!

યહોવાને મહિમા આપતા યુવાનો વીડિયો જુઓ અને નીચે આપેલા સવાલોના જવાબ આપો:

• અમુકને પાયોનિયર બનતા શું રોકતું હતું? તેઓએ કઈ રીતે એ પડકારો પર જીત મેળવી?

• માબાપો કઈ રીતે પોતાનાં બાળકોને નિયમિત પાયોનિયર બનવા મદદ કરી શકે?

• પ્રચાર માટે શેડ્યુલ બનાવવું કેમ મહત્ત્વનું છે?

• મંડળ કઈ રીતે પાયોનિયરોને ઉત્તેજન અને મદદ આપી શકે?

• પાયોનિયરીંગ કરતા ભાઈ-બહેનોને કેવા આશીર્વાદો મળે છે?