ઈસુએ કહ્યું હતું: “તમને મફત મળ્યું, મફત આપો.” (માથ ૧૦:૮) લોકોને બાઇબલ અથવા બાઇબલ આધારિત સાહિત્ય વિના મૂલ્યે આપીને આપણે એ આજ્ઞા પાળીએ છીએ. (૨કો ૨:૧૭) એમાં કોઈ શંકા નથી કે એ સાહિત્યમાં બાઇબલનાં અનમોલ સત્ય જણાવવામાં આવ્યાં છે. એ સાહિત્યને છાપવાં અને આખી દુનિયાનાં મંડળોમાં મોકલવાં ખૂબ જ મહેનત અને ખર્ચ કરવામાં આવે છે. તેથી, આપણે જરૂરિયાત પૂરતું જ સાહિત્ય લેવું જોઈએ.

સમજી-વિચારીને સાહિત્ય આપો, પછી તમે જાહેરમાં સેવાકાર્ય કરતા હો કે ટ્રૉલી દ્વારા. (માથ ૭:૬) પસાર થતા લોકોના હાથમાં સાહિત્ય થમાવી દેવાને બદલે, તેઓ સાથે વાત કરવાનો પ્રયત્ન કરો, જેથી તેઓને વાંચવામાં રસ છે કે નહિ એ જાણી શકો. જો વ્યક્તિ કોઈ ખાસ વિષય પર સાહિત્ય માંગે, તો ખુશી ખુશી તેને એક પ્રત આપો.—નીતિ ૩:૨૭, ૨૮.