રજૂઆતની એક રીત
શું ગુજરી ગયેલા ફરી જીવતા થઈ શકે? (T-35)
સવાલ: આપણને બધાને મરણનો ડર લાગે છે. પણ, આપણે તો સગાં-વહાલાં અને મિત્રો સાથે જીવનનો આનંદ માણવા ચાહીએ છીએ. શું તમને લાગે છે કે એવો સમય આવશે જ્યારે મરણનો ડર નહિ હોય?
શાસ્ત્રવચન: યોહ ૫:૨૮, ૨૯
આમ કહો: આ પત્રિકામાં આપણને જીવન આપનાર ઈશ્વરનું વચન આપવામાં આવ્યું છે, જે મરણ પામેલી વ્યક્તિને ફરી જીવતી કરી શકે છે. [વધુમાં, જો ઘરમાલિક ઇન્ટરનેટ વાપરતા હોય, તો તેમને jw.org/gu પરથી ગુજરી ગયેલાનું દુઃખ સહેવું—કઈ રીતે? મોટી પુસ્તિકા અથવા જનતા માટેનું ચોકીબુરજ નં. ૩, ૨૦૧૬ બતાવો.]
સત્ય શીખવો
સત્ય: લગ્નજીવનમાં પ્રેમ અને આદર હશે તો એ ખીલી ઊઠશે. [વધુમાં, જો ઘરમાલિક ઇન્ટરનેટ વાપરતા હોય, તો તેમને jw.org/gu પરથી કુટુંબ સુખી બનાવો મોટી પુસ્તિકા બતાવો.]
સાચો માર્ગ કયો છે? (kt)
સવાલ: મુશ્કેલીઓ અને ચિંતાઓથી ઘેરાયેલાં હોઈએ ત્યારે, દિલાસો મેળવવા ઈશ્વરને પ્રાર્થના કરીએ છીએ. પરંતુ, શું ઈશ્વર બધી પ્રાર્થનાઓ સાંભળે છે?
શાસ્ત્રવચન: ૧ યોહ ૫:૧૪
આમ કહો: આ પત્રિકા બતાવે છે કે, આપણે કઈ રીતે ખાતરી રાખી શકીએ કે ઈશ્વર આપણી પ્રાર્થનાઓ સાંભળે છે. [ઘરમાલિક રસ બતાવે તો, બાઇબલમાંથી કેમ શીખવું જોઈએ? વીડિયો બતાવો.]
રજૂઆત તમારા શબ્દોમાં
ઉપર આપેલા દાખલા પ્રમાણે જાતે જ પ્રચારની રજૂઆત તૈયાર કરો.
