ઈસુના બલિદાનથી ભાવિમાં મળનાર આશીર્વાદો પર મનન કરવા સ્મરણપ્રસંગ આપણને સારી તક આપે છે. જેમ કે, ગુજરી ગયેલા લોકોનું સજીવન થવું. માણસો મરણ પામે એવું યહોવા જરાય ચાહતા ન હતા. એટલે જ, સ્નેહીજનને મરણમાં ગુમાવવું એ આપણા માટે સૌથી મોટું દુઃખ હોય છે. (૧કો ૧૫:૨૬) લાજરસના મરણ વખતે પોતાના શિષ્યોને દુઃખી જોઈને ઈસુ પણ દુઃખી થયા હતા. (યોહ ૧૧:૩૩-૩૫) ઈસુનો સ્વભાવ તેમના પિતા જેવો જ છે. તેથી, ખાતરી રાખી શકીએ કે આપણને દુઃખી થતા જોઈને યહોવા પણ દુઃખી થાય છે. (યોહ ૧૪:૭) યહોવા એ સમયની આતુરતાથી રાહ જુએ છે જ્યારે, તે પોતાના ભક્તોને સજીવન કરશે. આપણે પણ એ જોવા આતુર છીએ.—અયૂ ૧૪:૧૪, ૧૫.

આપણે જાણીએ છીએ કે યહોવા વ્યવસ્થાના ઈશ્વર છે. તેથી, સજીવન કરવાનું કાર્ય પણ તે વ્યવસ્થાપૂર્વક કરશે. (૧કો ૧૪:૩૩, ૪૦) એ વખતે દફનવિધિ નહિ થાય પરંતુ, સજીવન થયેલા લોકોને કદાચ આવકારવાની વિધિ થશે. શું તમે સજીવન થવાની આશા પર મનન કરો છો, ખાસ કરીને સ્નેહીજનને ગુમાવવાના દુઃખના સમયમાં? (૨કો ૪:૧૭, ૧૮) યહોવાએ ઈસુનું બલિદાન આપ્યું છે. તેમ જ, બાઇબલ આપ્યું છે જેમાં જણાવ્યું છે કે, ગુજરી ગયેલા લોકો સજીવન થશે. શું એ બધા માટે તમે યહોવાનો આભાર માનો છો?—કોલો ૩:૧૫.

• તમે કયાં મિત્રો અને સ્નેહીજનોને ફરી જોવાં આતુર છો?

• તમે ખાસ કરીને બાઇબલનાં કયાં પાત્રો સાથે વાત કરવા માંગો છો?