JW લાઇબ્રેરી ફ્રી એપ (સોફ્ટવેર એપ્લિકેશન) છે. એના દ્વારા તમે ફોન, ટેબ્લેટ કે કોમ્પ્યુટરમાં બાઇબલ અને બીજા સાહિત્ય, વીડિયો અને ઑડિયો ડાઉનલોડ કરી શકો છો.

કઈ રીતે મેળવવી: ઓનલાઇન જઈને એપ સ્ટોરમાંથી JW લાઇબ્રેરી એપ ડાઉનલોડ કરો. આ એપ અલગ અલગ ડિવાઇસ માટે છે. સાહિત્ય ડાઉનલોડ કરવા માટે ઇન્ટરનેટ ચાલુ કરીને એપમાં સાહિત્ય પસંદ કરો. ઘરે ઇન્ટરનેટ ન હોય તો, રાજ્યગૃહ, લાઇબ્રેરી કે કૉફી શોપમાં જઈને ડાઉનલોડ કરી શકો. એક વાર સાહિત્ય ડાઉનલોડ થઈ જાય પછી, એ વાપરવા ઇન્ટરનેટની જરૂર નથી. JW લાઇબ્રેરીમાં નિયમિત રીતે નવા ફિચર્સ ઉમેરવામાં આવે છે. એટલે તમારે સમયે સમયે ઇન્ટરનેટ ચાલુ કરવું પડશે અને એપ અપડેટ પ્રાપ્ય હોય ત્યારે, એ અપડેટ કરવી પડશે.

કેમ એ રાખવી જોઈએ? JW લાઇબ્રેરી એપથી વ્યક્તિગત અભ્યાસમાં અને મંડળની સભામાં ઘણી મદદ મળે છે. એ પ્રચારમાં પણ ઉપયોગી છે, ખાસ કરીને તક મળે ત્યાં પ્રચાર કરતી વખતે લોકોને સંદેશો જણાવી શકાય છે.