Wayakana na aküjaliikana pütchi nüchiki Jehová, wasülajüin süpüshi wanneetse süka waaʼin süpüla süküjünüin pütchi sainküin mma. a Suluʼu tü Piichi Outkajaaleekat eʼitaanüsü waneirua kojonchon süpüla wejitüin süpüshi wanneetse otta eeshii süpüla wasülajüin suluʼupünaa Internet. Nüsülajeere nneerü wanee wayuu, eesü süpüla nüsülajüin shia süpüla tü choʼujaakat suluʼu tü Piichi Outkajaaleekat jee shiale süpüla süküjünüin pütchi sainküin mma jee nüsülajeere süpüla tia piamasükat kasa.

 Nnojotsü achuntunuin nneerü eere woutkajaain otta nnojotsü achuntunuin diezmo. Nnojotsü achuntunuin nümüin wanee wayuu nüsülajüinjatüin nneerü wanaapünaa sümaa tü nükanainkat (2 Corinto 9:7). Nnojotsü achuntunuin nneerü otta achekajünüin namüin na wayuu antakana sünain tü outkajawaakat. Nnojoishii achuntuin nneerü na wawalayuukana saaʼu tü naʼyataainkat nümüin Maleiwa, nnojoishii naya achekajüin nekirajüle sünain wanee pütchi woutiisapa wanee wayuu, sünain wanee alapajaa jee wanaa sümaa kasaalüin wanee wayuu. Nnojoishii naya akotchojüin nneerü sünain wanee ekawaa, sünain ashaitaa bingo, sünain rifa otta sünain wanee miʼiraa. Nnojotsü aküjünüin nanülia na wayuu asülajakana nneerü (Mateo 6:2-4). Suluʼu tü paajina suluʼukat Internet otta suluʼu tü karaloʼutakalüirua eekat wamaʼana nnojotsü eein süchiki kasa oikaanaka anülia.

 Aküjünawaisü namüin na wawalayuukana kashiwai tü aainjünakat süka tü nneerü nasülajakat otta eesü süpüla sütüjaain süchiki tia wayuu süpüshuaʼa. Analaanüsü waneepia tü karaloʼuta süchikimaajatkat tü nneetkat süpüla sütüjaanüin aaʼu anain sükatajia tü nneerü asülajünakat (2 Corinto 8:20, 21).

•   Tü wejitakat suluʼu tü kojonchonkot: Eesü süpüla shijitünüin nneerü jee shiale cheque suluʼu tü kojonchonkot eeka suluʼu tü Piichi Outkajaaleekat, sünain wanee outkajawaa miyoʼu jee eere noutkajaain na wawalayuukana.

•   Tü wasülajakat suluʼupünaa Internet: Eesü mma asülajünaka aluʼu nneerü suluʼupünaa jw.org sükajee tarüjeeta crédito otta débito, aainjünüsü tia eere «Püsülajeere nneerü namüin na Aküjaliikana Pütchi» sümüin. Eeshii na aluwataakana nneerü suluʼu transferencias bancarias jee shiale sükajee wane naata sukuwaʼipa.  b Eeshii wawalayuu akatalakana süpüshi nanneetse otta naneeküin suʼunajatüin kashiwai suluʼupünaa Internet (1 Corinto 16:2).

•   Donaciones planificadas: Süpüla müin sukuwaʼipa süsülajia süpüshi pünneetse, pukumajüinjatü palajana sukuwaʼipa otta achuntajachi pia kaalinwaa namüin na atüjashiikana süpüleerua. Nüsülajüle wanee wayuu sükajee tü kanüliakat donaciones planificadas eesüjaʼa nnojorüle suchuntunuin nümüin wainma nneerü natuma na sülaülashiikana mma saaʼujee tü nuwashirüinkat. Eeshii na aneekakana kasa anasü sutuma nakaalinjünüin natuma na atüjakana süpüleerua. Nüsülajeere wanee wayuu süpüshi nuwashirüin, eesü süpüla nüsülajüin shia kataiwaʼaya noʼu jee nüshajüle suluʼu wanee karaloʼuta jaralüin kamüinjatüin shia outapeena nia. Puluwataa pünüiki Weteetmüin püsülajeere süpüshi pünneetse wanaapünaa sümaa tüü.

  •   Cuentas bancarias

  •   Planes de seguro y jubilación

  •   Bienes raíces

  •   Acciones y bonos

  •   Testamentos y fideicomisos

 Pütüjeere sooʼomüin süchiki sukuwaʼipa süpüla püsülajüin süpüshi pünneetse püchajaa suluʼu «Püsülajeere nneerü namüin na Aküjaliikana Pütchi».