WEKIRAJAAYAINJATÜ SÜNAIN TÜ OUTKAJAWAAKAT Peʼureeroʼu 2018
Wanüikinjatka sünain aküjaa pütchi
Sukuwaʼipa wanüiki sünainpünaa tü Wiwüliakat müleka sükaaliinjale wayuu mayaainjeʼe kakaliain maʼin shia
KOROLO KOJUTUSÜ SULUʼUKAT TÜ WIWÜLIAKAT
Süchiki tü trigokat otta tü mojuui keimüsesükat
¿Kasa nüküjeeka achiki Jesuu wanaa süma nüküjüin süchiki tü trigokat otta tü mojuui keimüsesükat?¿Kasa kayaawasekai chi apünajüikai, chi nüʼünüükai, otta na aʼyataaliikana?
WAKUWAʼIPA SÜNAIN ANOUJAA
¿Kasa watüjaka sünainjee nünüiki Jesuu süchiki Nuluwataaya Maleiwa?
Aashajaashi Jesuu süchiki kasa eʼnnaajünaka maʼin süpüla nikirajüin sünain tü kasa sünainpünaakat wanoula. ¿Kasa shikirajaka anain waya Mateo kapiitulo 13?
KOROLO KOJUTUSÜ SULUʼUKA TÜ WIWÜLIAKAT
Nüneeküin Jesuu palitchon wayuu süpüla nikirüin wainma wayuu
Nuluwataain Jesuu na nikirajüinkana süpüla nekirüin wainma wayuu mayaainjeʼe eejatüin neʼe jaʼraisü pan otta piamasü jimechein. ¿Kasa alatakat soʼu kaʼikat tia otta jamaluʼulu shia?
WAKUWAʼIPA SÜNAIN ANOUJAA
«Kojut pütüma püshi otta püi»
Nuluwataain waya Jesuu sünain kojutuinjana watuma washi otta wei. Jülüjainjatü waaʼin waneepia pütchikat tia
KOROLO KOJUTUSÜ SULUʼUKA TÜ WIWÜLIAKAT
¿Shiache woʼunaka achiirua tü kasa jülüjakat naaʼin Jeʼwaa?
¿Kasa waaʼinrajatka süpüla woʼunüin süchiirua tü keeʼireekat naaʼin chi Maleiwakai otta wayoutuin tü keeʼireekat naaʼin chi yolujaaka? Eesü apünüinsü kasa jülüjainjatkat waaʼin naashin Jesuu suulia jülüjain waaʼin kasa mojusü.
WAKUWAʼIPA SÜNAIN ANOUJAA
Atüjainjachi pia aküjaa pütchi: Püneeka tü kasa püsakirüinjatkalü anain wayuu
Anasü süneekia nutuma Jesuu tü nüsakirakalü anain wayuu. ¿Kasa waaʼinrajatka süpüla washatüin nukuwaʼipa?
KOROLO KOJUTUSÜ SULUʼUKA TÜ WIWÜLIAKAT
Jalia waainjirayaai wayuu kasa mojusü
Kayaawasesü nünüiki Jesuu süpüla wayaawatüin saaʼu eejüinjatüin waaʼin suulia mojuin wakuwaʼipa jee suulia nüshanaain wanee wayuu sünainjee tü waaʼinrakat. ¿Kasa wayuu eejüinjatkalü oulia waaʼin suulia washanaain sutuma?
