¿JAMÜSÜ CHOʼUJAAKA? Saashin tü Wiwüliakat, müsü aka saaʼin wüin oʼutusü tü jülüjakat naaʼin wanee wayuu, wasakirüinjachi nia süpüla nüküjain tü jülüjakat naaʼin (Pr 20:5). Anale süneekia tü wasakirakalü anain nia, aneerü namüin yootoo wamaʼa otta eeshi süpüla naküjain wamüin tü suluʼukat naaʼin. Anasü süneekia nutuma Jesuu tü nüsakirakalü anain wayuu. ¿Kasa waaʼinrajatka süpüla washatüin nukuwaʼipa?

ANUU SUKUWAʼIPAINJATKA

• Püsakira nia süpüla nüküjain tü suluʼukat naaʼin. Anasü maʼin tü nüsakirawaikalü anain Jesuu na nikirajüinkana süpüla nütüjaain saaʼu tü jülüjakat naaʼin (Mt 16:13-16; be-S süp. 238 püt. 3-5). ¿Kasa eeka süpüla püsakirüin anain na wayuukana süpüla naküjain tü suluʼukat naaʼin?

• Püsakira nia süpüla niyaawatüin saaʼu wanee pütchi. Kojuyatua nüsakinnüin Pedro nutuma Jesuu süpüla niyaawatüinjatüin saaʼu wanee pütchi (Mt 17:24-26). ¿Kasache eeka süpüla püsakirüin anain wanee wayuu süpüla niyaawatüinjatüin saaʼu wanee pütchi?

• «Anasü maʼin pünüiki», püma nümüin. Anasü nünüiki Jesuu nümüin wanee wayuu sükajee nütüjaain aaʼu «sünain lotüin nünüiki» (Mr 12:34). ¿Jamüinjatche wanüiki nümüin wanee wayuu asoutaka shiʼipajee tü wasakirakalü anain?

PIʼITAA TÜ PALAJATKAT SHIʼIPA TÜ VIDEOKOT: PIKIRAJA WAYUU MAʼAKA NAAʼIN KÜRISÜTO JEE PUSOUTA SHIʼIPAJEE TÜÜ:

• Mayaainjeʼe lotuin tü nüküjakalü chi wawalakai, ¿jamüsü nnojotka anain nikirajia chi wayuukai nutuma?

• ¿Jameerü nukuwaʼipa chi wekirajüinkai wayale neʼe aküjain jamaluʼuluin tü wekirajakalü anain?

PIʼITAA TÜ CHIIRUAAJATKAT SHIʼIPA TÜ VIDEOKOT JEE PUSOUTA SHIʼIPAJEE TÜÜ:

• ¿Jamüsü watüjaaka saaʼu anain süneekia nutuma chi wawalakai tü nüsakitkalü anain chi nikirajüinkai?

• ¿Kasa maa waaʼinrajatka süpüla washatüin sukuwaʼipa nikirajia chi wawalakai?