Na achekakana suluʼuin Nuluwataaya Maleiwa, ekirajaainjana maʼin naya süchiki tia aluwataayakat otta süchiki tü kasa eeitpakat sutuma nuluwataaya Maleiwa. Naaʼinrüle tia, nanoujeerü anain shiain aluwataain maaʼulu tü Nuluwataayakat Maleiwa otta naküjeerü süchiki namüin na waneeinnua (Sl 45:1; 49:3). Sümaʼinruʼu pünajüin tü videokot «Tü eekat sutuma Nuluwataaya Maleiwa soʼu tü 100 juya alatüitpakat», püchajaa susouktia tü asakinnakalü anain:

1. ¿Kasa sükaaliinjaka anain na wayuu eʼrakana «Foto-Drama de la Creación»?

2. ¿Kasa naainjaka na wawalayuukana süpüla naküjüin tü pütchi anasükat süka raawia?

3. ¿Kasa maa aküjünaka aka pütchi? ¿Kasa anasü eeka sünainjee?

4. ¿Kasa aainjünaka süpüla natüjainjanain maʼin ekirajaa na wawalayuukana?

5. ¿Jamüsü anaka maʼin tü ekirajünakalü anain na wawalayuukana sünain Ekirajaalee Galaad?

6. ¿Jamüsü jalouika tü ekirajaanakalü anain sünain tü outkajawaakat miyoʼu?

7. ¿Jamüsü punoujaka sünain suluwataain maaʼulu tü Nuluwataayakat Maleiwa?

8. ¿Kasa waaʼinraka süka sümaain waya Nuluwataaya Maleiwa?