¿Jamüsü shiirakaaka tü nuʼwayuusekat Lot süchiiruajee wanaa sümaa suʼluwataain Sodomajee? Nnojotsü süküjain tia tü Wiwüliakat (Gé 19:17, 26). Eesüjaʼa shiale sutuma mojuin saaʼin saaliijee süpütüin tü kasa sümaʼanajatkat (Lu 17:31, 32). ¿Kasa waaʼinrajatka süpüla nnojoluin mojushiin nümüin Maleiwa tü waʼyataainkat maʼaka sülatüin sümüin tü nuʼwayuusekat Lot? Nnojotsü shiainjatüin palajanain sünain wakuwaʼipa tü kasa wamaʼanakat (Mt 6:33, TNM). Naashin Jesuu nnojoishii süpüla nüchepchiain waya Maleiwa sümaʼaleʼeya tü washirüükat (Mt 6:24, TNM). ¿Kasaka waaʼinrajatüin nnojorüle waaʼinrüin tü sünainpünaakat wanoula süpüleerua wainmeein kasa wamaʼana? Wachunta kaaliiwaa nümüin Jeʼwaa süpüla wanoutuin wakuwaʼipa jee yalayalain waaʼin süpüla wountüin tia.

SÜNAINJEE TÜ APÜNÜINSÜKAT SHIʼIPA TÜ VIDEOKOT SOTO JAAʼIN SÜCHIKI TÜ NUʼWAYUUSEKAT LOT, PÜSOUTA SHIʼIPAJEE PÜTCHIKAT TÜÜ:

• ¿Jamüsü sukuwaʼipa sünüiki Gloria otta tü jülüjakat saaʼin sutuma süpüleeruaanüin aaʼin shiiʼiree wainmain nneerü sükanajaka?

• ¿Kasa shikirajaka anain waya tü alatakat sümüin nuʼwayuuse Lot?

• ¿Jamüsü sunoutaaka nukuwaʼipa Yoe sümaa nüpüshi sutuma sünüiki tü Wiwüliakat?

• ¿Jamüsü sukuwaʼipa Ana nümaa Jeʼwaa natuma na shiʼyataakana amaa?

• ¿Jamüsü choʼujaaka yalayalain waaʼin süpüla eejiraain waya wapüleeruaanüle aaʼin shiiʼiree kachiiruain waaʼin akanajaa nneerü?

• ¿Kasa naainjaka Brayan sümaa Gloria süpüla palajanain natuma naʼyataain nümüin Jeʼwaa nachikuaʼa?

• ¿Jarat tü pütchi suluʼujeejatkat tü Wiwüliakat jaʼyaka suluʼu tü videokot?