Eneeroʼu 20-26
SALMOS 138, 139
Jayeechi 90 otta oʼuraajaa | Pütchi suʼttiainjatka (1 min.)
1. Nnojo puuʼulaain suulia piʼyataain nümüin Jehová sutuma mmoluin pia
(10 min.)
Waʼwaajüin Jehová süka süpüshuaʼa waaʼin (Sl 138:1).
Puchunta kaalinwaa nümüin Jehová mmorüle pia soʼu pusoutajachin shiʼipajee tü asakinnakalü anain sünain tü outkajawaakat (Sl 138:3).
Eesüjaʼa mmorüle paaʼin süka nnojoluin yaletüin paaʼin (Sl 138:6; w19.01 10 püt. 10).
PUUʼULAKA TÜÜ: Mmorüle pia, pusouta süka palitchon pütchi shiʼipajee tü asakinnakalü anain (w23.04 21 püt. 7).
2. Püchajaa süchiki kaaʼürüi suluʼu tü Bibliakat
(10 min.)
-
Sl 139:23, 24. ¿Kasapülajatü wachuntaka nümüin Maleiwa tü nüpülainkat saashin tia pütchikat? (w20.05 29 püt. 12).
-
Sünainjee tü paashajeʼerakat soʼu semaanakat tüü, ¿jarat tü pütchi kamalainkat pümüin?
3. Wetsiikulo aashajeʼennajatka
(4 min.) Éf 1:1-13 (th ekirajaaya 2).
4. Atüjainjachi pia yootirawaa
(3 min.) EERE JOULUIN WAYUU. (lmd ekirajaaya 2 pütchi 3).
5. Pikiraja wayuu
(4 min.) EERE JOULUIN WAYUU. Püküja nümüin pikirajeein nia sünain tü Bibliakat otta piiʼiyata nümüin jamüin sukuwaʼipa ekirajawaa (lmd ekirajaaya 10 pütchi 3).
6. Pütchi ekirajünüinjatka anain
(5 min.) ijwyp-S ekirajaaya 105. Sünülia: ¿Kasa taaʼinrüinjatka japüleʼere taya? (th ekirajaaya 16).
Jayeechi 59
7. Aneerü pukuwaʼipa sünain aküjaa pütchi mayaainjeʼe japüleʼein pia
(15 min.) Ekirajawaa namaa na jutkatüshiikana.
¿Japüleʼeche pia? ¿Mmotshiche pia suulia neʼrajüin pia na waneinnua? ¿Tüntajaasüche paaʼin paashajaainjachipa namaa na waneinnua? Eesüjaʼa nnojorüle waaʼinrüin wanee kasa kamalainka wamüin sutuma japülin waya. Wainmapejeʼe na wawalayuu nnojoliikana japüleʼein maaʼulu, atüjainnapa yootoo namaa na wayuukana sünain aküjaa pütchi. ¿Kasa eeka süpüla watüjain nanainjee?
Piʼitaa tü VIDEOKOT Aʼyataasü maʼin taya nümüin Jehová mayaainjeʼe japüleʼein taya. Püsakira sünain tüü:
-
¿Kasa saaʼinraka Laura sutuma tü sümakat tü soushukat sümüin?
Süküjain tü Bibliakat eein tü kasa kapüleekat nümüin Moisés, Jeremías otta Timoteo sutuma japüleʼein maʼin naya (Éx 3:11; 4:10; Jer 1:6-8; 1Ti 4:12). Nuuntapejeʼe naaʼinrüin tü kapüleekat namüin saaʼujee nümaain naya Jehová (Éx 4:12; Jer 20:11; 2Ti 1:6-8).
Paashajeʼera Isaías 43:1, 2. Püsakira sünain tüü:
-
¿Kasa nüküjaka Jehová namüin na aʼyataakana nümüin?
¿Kasa naaʼinraka Jehová napüleerua na japüleʼekana süpüla talatüin naaʼin sünain aʼyatawaa nümüin?
Piʼitaa tü VIDEOKOT Talateerü maʼin paaʼin woutiisale pia (shiʼipa neʼe). Püsakira sünain tüü:
-
¿Jamüsü sütüjaakaʼa saaʼu tü wawalakat Loraine nükaalinjain shia Jehová sünain aküjaa pütchi?
-
¿Kasa anasü niʼraka wanee wayuu japüleʼe nüküjale pütchi?
8. Ekirajawaa sünain tü Bibliakat namaa na wawalayuukana
(30 min.) bt ekir. 21 püt. 8-13, tü recuadro suluʼukat süpana 193.
