Jimaʼaire pia jee majayürüle pia, ¿aʼyataainnapa jia nümüin Jeʼwaa, ekirajünataapa jia sünain tü Wiwüliakat? ¿Joujeechika pia woutiisaka? ¿Jamüsü choʼujaaka paaʼinrüin tia? Paapüle paaʼin nümüin Maleiwa otta woutiisale pia, aleeweechi pia nümaa otta kateerü poʼu süpüla kaʼikat süpüshuaʼa (Sl 91:1; 1Pe 3:21). ¿Kasa paaʼinrajatka süpüla paapüin paaʼin nümüin Maleiwa otta woutiisaain pia?

Püchechera suluʼu paaʼin sünain shiain shiimainkat tüü. Nnojorüle punoujakai saaʼin tia, eeshi süpüla pikirajaain süchiirua (Ro 12:2). ¿Choʼujaasüche punoutuinjatüin pukuwaʼipa? Paainja shia süka alin püpüla Jeʼwaa (Pr 27:11; Éf 4:22-24). Puchunta kaalinwaa nümüin Jeʼwaa otta nükatchinreerü paaʼin nükajee chi naaʼinkai (1Pe 5:10, 11). Talateerü maʼin paaʼin paaʼinrüle tia, süka jamüin, nnojotsü eeʼin wanee kasa anaʼleeka suulia aʼyatawaa nümüin Jeʼwaa (Sl 16:11).

SÜCHIKIJEE JÜNAJÜIN TÜ VIDEOKOT TÜ PAAʼINRAJATKAT SÜPÜLA WOUTIISAIN PIA, JUSOUTA SHIʼIPAJEE TÜÜ:

• ¿Kasa naaʼinrüitka waneinnua wawalayuu süpüla woutiisain naya?

• ¿Kasa paaʼinrüinjatka süpüla paapüinjatüin paaʼin nümüin Jeʼwaa?

• ¿Kasa atütüleʼeraka naaʼin waneinnua wawalayuu süpüla woutiisain naya?

• ¿Kasa anasü neʼraka nutuma Jeʼwaa na aʼyataakana nümüin?

• ¿Kasa naaʼinrajatka wanee wayuu süpüla naapüin naaʼin nümüin Maleiwa otta süpüla woutiisain nia?