Tü pütchi nüpansaajakat wanee wayuu sümüin nuʼwayuuse soʼu kasaalüin naya, kojutusü nümüin Jeʼwaa otta nücheküin Jeʼwaa müinjatüin nakuwaʼipa suluʼu kaʼikat süpüshuaʼa (Mt 19:5, 6). Suluʼu nupueulose Jeʼwaa, watta naalii na kasaatshii talatakana maʼin aaʼin. Sutuma joʼuujiraain naya sümaa kaainjalaa, eejeerü kasa nnojotka anain sukuwaʼipa natuma. Süpüla sunoutunuin sukuwaʼipa wanee kasa, nnojotsü anain müleka nuuʼulaajiraale wanee wayuu suulia nuʼwayuuse. ¿Kasa naaʼinrajatka na wawalayuu kasaatshiikana süpüla kojutuinjatüin namüin kasaalüin naya?

Wekirajaa sünain jaʼraisü kasa.

1. Paaʼinmaja tü paaʼinkat. Nnojo paʼalaajaain suʼupala wanee wayuu nnojotka puʼwayuusein jee nnojo pünajüin jee paapajüin kasa yarüttüsü. Paainjale tia, maaliinjeerü püpüla puʼwayuuse (Mt 5:28; 2Pe 2:14).

2. Kooʼomüin naalin Jeʼwaa püpüla otta anajiraa pukuwaʼipa sümaa puʼwayuuse süpüla talatüin naaʼin Jeʼwaa jümaa (Sl 97:10).

3. Ayataʼaya punoutuin pukuwaʼipa otta püsülaja kasa talateetka atuma saaʼin puʼwayuuse (Col 3:8-10, 12-14).

4. Nnojo puunjulajüin wanee kasa suulia puʼwayuuse otta kojutujiraa jia (Col 4:6).

5. Nüinkaapa wanee wayuu sümaa nuʼwayuuse, kojutuinjatü shia nümüin otta alinjatü shia nüpüla (1Co 7:3, 4; 10:24).

Kojutule namüin na kasaatshiikana saʼaniraain nakuwaʼipa, kojutushijaʼa mata namüin Jeʼwaa, chi kakumainkai sukuwaʼipa kasaalüü.

SÜCHIKIJEE JÜNAJÜIN TÜ VIDEOKOT PÜCHECHERA PAAʼIN SÜNAIN TÜ AYOUJIRAWAAKAT: PAAʼINRA TÜ ACHUNTUNAKAT PÜMÜIN SÜNAIN TÜ AYOUJIRAWAAKAT, JÜSOUTA SHIʼIPAJEE TÜÜ:

• Mayaapejeʼe anajiraain paala wanee wayuu sümaa nuʼwayuuse, ¿kasa eeka süpüla sülatüin mapa?

• Nnojoire aijiraain wanee wayuu sümaa nuʼwayuuse, ¿jamüsü aneetka nakuwaʼipa naainjale tü sümakat tü Wiwüliakat?

• ¿Kasa naaʼinrajatka na kasaatshiikana naashin Jeʼwaa?

• ¿Kasa naainjainjatka na kasaatshiikana süpüla talatajiraain naya?