¿Jamüsü kamalainka maʼin wamüin tü outkajawaakat miyoʼu apünüinkat kaʼi? Shia süka eein süpüla waʼwaajüin Jeʼwaa namaa watta naalii wawalayuu maʼakaapuʼu naaʼinrüin shia na israeliitakana. Wainma tü kasa ekirajünakalü anain waya akatchinraka wanoula, jutkatüshii waya namaa na waʼaleewainkana otta na wapüshikana. Kojutusü maʼin wamüin tia, müshiijeseʼe woʼunuin sünain tü apünüinkat kaʼi.

Woutkajaapa namaa na wawalayuukana, jülüjasü waaʼin tü kasa eekat süpüla waaʼinrüin napüleerua (Gal 6:10; Heb 10:24, 25). Kapülashii waaʼin na waneinnua wakatatpa neʼe tü einasee choʼujaakat wamüin jee shiale wajapuluʼujüin soʼu wanee miichi süpüla nülatüin wanee wawala (Flp 2:3-5). Eeshi süpüla waʼaleewajaain nümaa wanee wawala sünain tia outkajawaakat. Waainja shia süpülapünaa tü outkajawaakat, süchikijee jee soʼunnaa wekaain (2Co 6:13). Waaʼinrüle tia, eeshii süpüla aleewain waya nümaa wanee wayuu süpüla kaʼikat süpüshuaʼa. Neʼrüle waya na wayuukana sünain shiimain aijiraain waya, eesüjaʼa süpüla nacheküin naʼyataain nümüin Jeʼwaa (Jn 13:35).

SÜCHIKIJEE JÜNAJÜIN TÜ VIDEOKOT TÜ OUTKAJAWAAKAT MIYOʼU EERE NANTÜIN NA WAWALAYUU NAATAKANA OUMAIN «TÜ ALIIKALÜ APÜLA WAYUU, AYATEERÜ CHOʼUJAAIN WANEEPIA», JUSOUTA SHIʼIPAJEE TÜÜ:

• ¿Kasa naainjaka na wawalayuukana süpüla neeʼiyatüin alin napüla na antakana sünainmüin tü outkajawaakat miyoʼu aainjünakat soʼu 2019?

• ¿Jamüsü ponoko maʼin saaʼin wayuu paaʼinwajiraain otta aijiraain maʼin tü nupueulosekat Maleiwa?

• ¿Kasa nekirajaka maʼin anain na Laülaashii Jülüjakana Aaʼin na Aküjaliikana pütchi süchiki tü aijirawaakat?

• ¿Kasa alataka chaa Alemania otta Corea del Sur süka aijiraain maʼin na wawalayuukana?

• ¿Kasa waaʼinrüinjatka süka süpüshuaʼa waaʼin?