Kottusü nutuma Jeʼwaa tü nupueulosekat maaʼulu yaa maʼakaapuʼu kottopuʼuin nutuma na israeliitakana. Süpüla süküjünüinjatüin tü pütchi anasükat suluʼu wainma anüikii akumajünüsü sukuwaʼipa tia chaa Weteet, nutuma chi wawala alapalaakai waaʼu, suluʼu tü outkajaaleekalüirua otta na wawalayuu aküjainjanakana tü pütchikat (Alat 14:6, 7).

¿Eesüche süpüla püküjain pütchi suluʼu wanee anüikii naatajatü? Nnojorüle süsetaain kaʼi püpüla, eeshi süpüla pikirajaain sünain JW Language tü pünüikinjatkat püküjapa pütchi. Püküjale pütchi suluʼu naata anüikii, talateerü maʼin paaʼin maʼaka talatüin naaʼin na anoujashii namaiwajanakana wanaa sümaa naküjain kasa anasü nüchiki Maleiwa (Alu 2:7-11).

SÜCHIKIJEE JÜNAJÜIN TÜ VIDEOKOT ALEEWA PIA NÜMAA JEʼWAA: PÜKÜJA PÜTCHI SULUʼU NAATA ANÜIKII, JUSOUTA SHIʼIPAJEE TÜÜ:

• ¿Joujasü anain wekirajaain sünain JW Language?

• ¿Kasa eeka suluʼu tia aplicaciónkat?

• ¿Jeʼrasü anüikii naatajatü eere waküjain pütchi?

• Eere wanee wayuu naatakai anüiki otta kamalainre nümüin tü pütchikat, ¿kasa eeka süpüla waaʼinrüin? (od-S 100 püt. 39-41).