¿Nütüjaa aaʼuche Jeʼwaa tü anakalü atuma wakuwaʼipa? ¡Jamüsaʼa shia! Weʼitaale waaʼin sünain tia, kekiijeena waya nutuma jee wooʼulaajeerü niain oʼunirüin wakuwaʼipa (Pr 16:3, 9). Eesüjaʼa kapüleere wamüin weʼitaain waaʼin sünain tü nümakat wamüin naatale neʼe tü jülüjakat waaʼin. Eepejeʼe süpüla weʼitaashaatain waaʼin sünain kekiin maʼin Jeʼwaa jülüjale maʼin waaʼin tü kasa nukumajalakat (Pr 30:24, 25; Ro 1:20).

SÜCHIKIJEE JÜNAJÜIN TÜ VIDEOKOT ¿AKUMAJAASÜCHE KASA SÜMÜIWAʼA? ¿EETAAPA CHI KAKUMAJALAKAI SHIA? ¿JAMÜSÜ NNOJOTKA SÜLÜÜKAJIRAAIN TÜ JEYUUKALÜIRUA SULUʼU SÜPÜNA?, JUSOUTA SHIʼIPAJEE TÜÜ:

• ¿Kasa saaʼinrawaika tü jeyuukalüirua kaʼiwai?

• ¿Kasa saaʼinrawaika tü jeyuukalüirua süpüla nnojolin nalüükajiraain?

• ¿Kasa watüjaka sünainjee sukuwaʼipa tü jeyuukalüirua?

SÜCHIKIJEE JÜNAJÜIN TÜ VIDEOKOT ¿AKUMAJAASÜCHE KASA SÜMÜIWAʼA? ¿EETAAPA CHI KAKUMAJALAKAI SHIA? ¿JAMÜSÜ ANAKA MAʼIN SÜWATIA TÜ KOʼOI KANÜLIAKAT ABEJORRO?, JUSOUTA SHIʼIPAJEE TÜÜ:

• ¿Jamüsü kapüleeka suwatinnüin wanee katünasü nnojorüle miyoʼuin shia?

• ¿Jamüsü nnojotka sujutuuin tü koʼoi kanüliakat abejorro?

• ¿Kasa eeka süpüla nakumajüin na wayuukana nashatüle süwatia tü koʼoi kanüliakat abejorro?

Jülüjale paaʼin tü nukumajalakat Jeʼwaa eere kepiain pia, ¿jamüsü pütüjaaka saaʼu kekiin maʼin nia?