Aʼyataashi waneepia Samuel nümüin Jeʼwaa. Jintüliiwaʼaya nia nnojotsü nüshatüin nakuwaʼipa na nüchonniikana Elí (Hofní otta Finehás), mojusü maʼin tü kasa naainjakat (1Sa 2:22-26). Emiyoʼulashi Samuel otta eejachi Jeʼwaa nümaa (1Sa 3:19). Laülaapa nia, ayatüshia nia oonooin nümaa Jeʼwaa mayainjee nnojoluin müin nakuwaʼipa na nüchonniikana (1Sa 8:1-5).

¿Kasa watüjaka sünainjee nukuwaʼipa Samuel? Nütüjaa aaʼu Jeʼwaa tü kasa kapüleeka namüin na jimaʼaliikana jee na majayünnüükana jee jamüin maʼin naaʼin sutuma. Müsüjeseʼe nükaalinjeein naya süpüla yalayalain maʼin naaʼin (Is 41:10, 13). Nnojotsü nüpüleeruain naaʼin Samuel na nüchonniikana süpüla ayatüin naainjain tü nümakat Jeʼwaa. Ayatüsü talatüin naaʼin jee naainjain waneepia tü nümakat Jeʼwaa nümüin. Eesü süpüla müin nakuwaʼipa na kachonshiikana nakayalaale nachonnii nuulia Jeʼwaa. Waneepiale naya nümaa Jeʼwaa eesüjaʼa süpüla naleʼejüin nachikuaʼa na nachonniikana nünainmüin Jeʼwaa.

SÜCHIKIJEE JÜNAAJÜIN TÜ VIDEOKOT TÜ WATÜJAKAT NANAINJEE: SAMUEL, JUSOUTA SHIʼIPAJEE TÜÜ:

• ¿Jamüsü watüjaaka saaʼu yalayalain maʼin naaʼin Samuel jintüliiwaʼaya nia?

• ¿Kasa naainjaka Danny sutuma yalayalain maʼin naaʼin?

• ¿Jamüsü anaka maʼin nukuwaʼipa Samuel laülaapa nia?

• ¿Jamüsü anaka maʼin nukuwaʼipa nüshi jee nii Danny?