¿Jamüsü püküjainjatka nümüin püshi jee sümüin püi tü jülüjakat paaʼin? (Pr 23:26). Shia süka niʼitaain naya Jeʼwaa süpüla naaʼinmajüin pia jee anain pukuwaʼipa (Sl 127:3, 4). Kapüleejeerü namüin nakaalinjain pia nnojorüle püküjain namüin tü shapaakalü atuma paaʼin jee tü kamalainkat pümüin otta nnojoleechi pia atüjain nanain. Nnojotsü choʼujaain püküjain süpüshuaʼaleʼeya nümüin püshi jee püi, nnojotpejeʼe puunjulüinjatüin noulia tü kasa natüjaainjatkalü aaʼu (Pr 3:32).

Yootoo pia namaa na kachooinkana pia soʼu tü kaʼi anashiikalü oʼu jümüin. Isale püchiki paashajaain namaa, anasü püshajüle namüin suluʼu wanee karaloʼuta tü suluʼukat paaʼin. ¿Jama nayale yooteein pümaa? Sotuinjatü paaʼin nakaalinjeein pia, paʼaleewainyuu maʼin naya. Aneerü maʼin pukuwaʼipa maaʼulu jee mapeena püchajaale maʼin sukuwaʼipa süpüla yootuin pia namaa (Pr 4:10-12).

SÜCHIKIJEE JÜNAJÜIN TÜ VIDEOKOT SOʼU JIMAʼALIN JEE MAJAYÜLÜIN JIA: TÜ PAAʼINRÜINJATKAT SÜPÜLA YOOTUIN PIA NÜMAA PÜSHI JEE PÜI, JUSOUTA SHIʼIPAJEE TÜÜ:

• ¿Kasa süküjaka Ester nümaa Partik?

• ¿Kasa eeka süpüla pütüjain sünainjee nukuwaʼipa Jesuu?

• ¿Kasa naaʼinraka na kachooinkana pia sutuma alin pia napüla?

• ¿Jarat tü pütchi suluʼukat tü Bibliakat eeka süpüla sütütülaain paaʼin süpüla yootuin pia nümaa püshi jee püi?