WAKUWAʼIPA SÜNAIN ANOUJAA
Yapa waya suchuntunule wamüin weʼitaain isha wanain
¿Jamüshii yapainjanaka waya? Eeshiijaʼa ayuuijaʼalaʼa wamüle jee sülatalaʼa sümüle kasa wamüin. Süpüla anain wakuwaʼipa weʼrajeʼerapa, yapainjana waya süpülapünaa tia. Waaʼinrüin tia süka kojutuin wamüin tü kataakalü oʼu otta tü nuluwataakalü anain Jehová süchiki tü ishakat (Alu 15:28, 29).
Waaʼinrajatka süpüla yapain waya
-
Süchikijee woʼuraajüin sümaa wasakireʼerüin waaʼin, wepiraja tü sümaajatkat jamüin wayoutaka shiʼitaanüin isha wanain (DPA). a Na wawalayuu woutiisakana eesü süpüla nachuntuin tia nümüin chi wawala aʼyataakai sümaa tü karaloʼuta suluʼukat tü outkajaaleekat. Na kachooinkana eesü süpüla nachuntuin tü Tarjeta de identidad (ic) napülajatkat na tepichikana.
-
Na ipuotkana anasü nachuntule namüin na laülaashiikana tü karaloʼutakat Información para mujeres embarazadas (S-401). Aashajaasü süchiki tü tratamiento eekat süpüla naneeküin ipuotpa naya jee naʼalijaapa.
-
Choʼujaale saainjünüin wamüin wanee tratamiento sünainpünaaka isha jee shiale wooʼulaanüinjanain pitaaraluʼu, waapiramaatüinjana na laülaashiikana jee waküjainjatü pitaaraluʼu wacheküin nuwaraijaain waaʼu wanee aküjai pütchi nüchiki Jehová.
¿Kasa eeka süpüla nakaalinjain anain na laülaashiikana? Eeshii süpüla nakaalinjain waya sünain epirajaa tü tarjetakat DPA, nnojotpejeʼe naneeküin wanee tratamiento wooʼopünaa otta nnojotsü naküjain tü anakat namüin (Ro 14:12; Gal 6:5). Waapirapa na laülaashiikana eein süpüla saainjünüin wamüin wanee tratamiento sünainpünaaka isha, naapiramaateena na wawalayuu aʼyataakana suluʼu Comité de Enlace con los Hospitales (CEH).
¿Kasa eeka süpüla nakaalinjain anain waya na wawalayuu aʼyataakana suluʼu CEH? Ekirajünüshii naya süpüla nakaalinjain na tottootkana jee na aʼyataakana laülaapialuʼu süpüla nayaawatüin saaʼu jamüin nnojotka weʼitaain isha wanain. Eeshii süpüla naashajaain namaa süchiki waneirua tratamiento nnojotka kaʼakain isha otta eeshii süpüla nakaalinjain waya sünain achajawaa nüchiki wanee tottoot anakai amüin tü waneekakat.
SÜCHIKIJEE JÜNAJÜIN TÜ VIDEOKOT ¿KASA WAAʼINRAJATKA SÜPÜLA PANSAAIN TÜ WANEEKAKAT SÜMAA TÜ NÜMAKAT MALEIWA SÜCHIKI TÜ ISHAKAT?, JUSOUTA SHIʼIPAJEE TÜÜ:
-
¿Kasa waaʼinrajatka süpülapünaa sülatalaʼa sümüin wanee kasa wamüin suulia shiʼitaanüin isha wanain?
a Eesü süpüla anain süneekia watuma wanee kasa sünainpünaaka isha, waashajeʼerüle tü ekirajaayakat 39 suluʼujee tü karaloʼutakat Anainjatka atuma pukuwaʼipa waneepia.
