Peʼureeroʼu 19-25
SALMOS 8-10
Jayeechi 2 otta oʼuraajaa | Pütchi suʼttiainjatka (1 min.)
1. «Taʼwaajeechi pia Jehovákalee süka süpüshuaʼa taaʼin»
(10 min.)
Kamaneeshi maʼin wamüin Jehová (Sl 8:3-6; w21.08 3 püt. 6).
Kamalainsü maʼin wamüin waʼwaajüin Jehová sükajee waküjain namüin na waneinnua süchiki tü kasa nukumalakat (Sl 9:1; w20.05 23 püt. 10).
Waʼwaajüinña nia wanaa sümaa weeʼirajüin jayeechi nümüin süka süpüshuaʼa waaʼin (Sl 9:2; w22.04 7 püt. 13).
PÜSAKIRA PAAʼIN: «¿Kasa amaa taaʼinrajatka süpüla taʼwaajüin Jehová?».
2. Püchajaa süchiki kaaʼürüi suluʼu tü Bibliakat
(10 min.)
-
Sl 8:3. ¿Kasa nüküjeeka achiki chi salmistakai wanaa sümaa naashajaain süchiki süpachera najapü Maleiwa? (it-1-S 649).
-
Sünainjee tü paashajeʼerakat soʼu semaanakat tüü, ¿jarat tü pütchi kamalainkat pümüin?
3. Wetsiikulo aashajeʼennajatka
(4 min.) Mr 15:1-15 (th ekirajaaya 11).
4. Atüjainjachi pia yootirawaa
(3 min.) SAINKÜIN MIICHI. Paashajaa nümaa wanee wayuu «manoujainsai taya nünain Maleiwa» makai anüiki pümüin (lmd ekirajaaya 5 pütchi 4).
5. Ayataʼaya pikirajüin wayuu
(4 min.) EEPÜNAALE PIA. Yootuinjachi pia püchikuaʼa nümaa wanee wayuu aküjakai pümüin paala manoujain nia nünain Maleiwa. Anasü nümüin pikirajüle nia sükajee tü kasa wayaawatakalü akajee eein chi Kakumalakai kasa süpüshuaʼa (th ekirajaaya 7).
6. Pütchi ekirajünüinjatka anain
(5 min.) w21.06 6, 7 püt. 15-18. Sünülia: Pükaalinja chi pikirajüinkai süpüla nuʼwaajüin Jehová (th ekirajaaya 10).
Jayeechi 10
7. Waaʼinrajatka süpüla mapüleein wamüin waküjain pütchi eepünaale waya
(10 min.) Ekirajawaa namaa na jutkatüshiikana.
Wanee kasa waaʼinrajatka süpüla waʼwaajüin Jehová shia waküjale pütchi sümüin wayuu eepünaale waya (Sl 35:28). Eeshiijaʼa mmorüle waya wooʼulakapa tia. Jamüshiijaʼa wasaküle na wayuukana jee yootule waya namaa süka anakalü akuwaʼipa, atüjeena waya aküjaa pütchi eepünaale waya sümaa kamalainjeerüin shia wamüin.
Piʼitaa tü VIDEOKOT Püküja tü pütchi anasükat sümüin wayuu. Püchajaa sukuwaʼipa süpüla püküjain pütchi. Püsakira sünain tüü:
¿Kasa pütüjaka sünainjee tü videokot süchiki tü paaʼinrajatkat süpüla mapüleein pümüin aküjaa pütchi eepünaale pia?
Jülüjainjatü waaʼin tüü süpüla yootuin waya sümaa wayuu:
-
Pujuʼitapa pipialuʼujee, jülüja paaʼin sukuwaʼipa wayuu eere süpüla yootuin pia sümaa. Puchunta nümüin Jehová yalayalaa aaʼin süpüla nüntirüinjachin pia namaʼanamüin na wayuu anamiakana.
-
Kamanee pia namüin na wayuu wanaajiraakana pümaa otta kapüla paaʼin nakuwaʼipa. Jülüja paaʼin nakuwaʼipa süpüla piyaawatüin saaʼu jaralüin tü pütchi kamalainjeetkat namüin suluʼujee tü Bibliakat.
-
Eere süpüla, anasü paapüle nümüin wanee wayuu sunuumerose püserulaatse otta puchunta nümüin sunuumerose nüserulaatse.
-
Nnojo mojuin paaʼin nuʼunamaatüle chi wayuukai süpülapünaa püküjain pütchi nümüin.
-
Jalia motojoyoo paaʼin chi wayuu paashajaakai amaa. Nütüjaweerü saaʼu kapülain paaʼin nukuwaʼipa puluwataale nümüin wanee enlace sümaajatka wanee wetsiikulo jee shiale wanee pütchi suluʼujeejatka jw.org.
Puuʼulaka tüü: Nüsakirüle pia wanee wayuu süchiki tü paaʼinrakat saawanoʼu jee rimiinkoʼu, eesü süpüla püküjain nümüin wanee pütchi kamalainka pümüin sünain tü outkajawaakat jee shiale püküjain nümüin süchiki tü paaʼinrakat sünain ekirajaa tü Bibliakat.
8. Anouteʼennajatka eere woutkajaain
(5 min.)
9. Ekirajawaa sünain tü Bibliakat namaa na wawalayuukana
(30 min.) bt ekir. 6 püt. 1-8 otta suʼttia tü shiʼipakat 2.
