Süpüla settienpüroʼu wasakireena na wayuukana nekirajaweere sünain tü Bibliakat sükajee tü poyeetokot Anainjatka atuma pukuwaʼipa waneepia. Soʼunnaa kashikat tia eeshi süpüla pülatirüin 30 oora sünain aküjaa pütchi süpüla pürekutsoolin aaʼusiliaat pia. ¿Jameerü sukuwaʼipa süküjia pütchi watuma settienpüroʼu?

• Soʼu palajatka pukua: Piiʼiyata nümüin tü pütchi süsapoʼujeekat tü poyeetokot süpüla kamalainjatüin shia nümüin otta piiʼiyata nümüin sukuwaʼipa tü ekirajawaakat eere süpüla paaʼinrüin shia. Puuyanta namaʼanamüin na wayuu püküjapuʼukana amüin pütchi paala, na kamalainpuʼukana amüin tü pütchikat. Mayaainjeʼe nnojoliin nekirajaweein paala eesü süpüla kamalain namüin tü jeketkat poyeeto jee tü jeketkat sukuwaʼipa ekirajawaa. Nnojoluinjatü wapütüin tü poyeetokot eere yüütüülin piichi wapüla otta nnojoluinjatü waapüin shia namüin na mamalainkana amüin tü pütchikat. Na laülaashii aʼyataakana suluʼu Comité de servicio eere puutkajaain, nakumajeerü sukuwaʼipa süpüla süküjünüin maʼin pütchi soʼunnaa kashikat tia.

• Waneirua sukuwaʼipa: Naküjale pütchi na wawalayuukana sükajee tü kareetachonkat, eʼitaaneerü suluʼu tü jeketkat poyeeto. Eere wanee wayuu kamalainkai amüin tü poyeetokot, püküja nümüin tü naaʼinrajatkat süpüla nikirajaain sünain tü Bibliakat. Eesü süpüla püküjain nümüin motsomüin tü sukuwaʼipakalü ekirajawaa sünain tü Bibliakat jee shiale pükatalüin kaʼi süpüla puuyantüin nümaʼanamüin süpüla püküjain shia nümüin. Chi wawala jülüjakai aaʼin tü aküjaakat pütchi, eeshi süpüla nüneeküin waneinnua wawalayuu atüjakana ekirajaa süpüla naküjainjanain pütchi eere oikaalee. Paashajaapa namaa na piʼyataajiraakana amaa jee na koleejiajiraakana pümaa, püküja namüin eere süpüla nekirajaain sünain tü Bibliakat.

Nuluwataain waya Jesús sünain aküjaa pütchi jee ekirajaa wayuu (Mt 28:19, 20). Kasataalejeseʼe wekirajüin wayuu settienpüroʼu sükajee tü poyeetokot Anainjatka atuma pukuwaʼipa waneepia.