Ashajünüsü suluʼu tü Bibliakat wainmain na nusoutakana amüin Jehová soʼu noʼuraajüin nümüin. Natüjaapa saaʼu na aʼyataashiikana nümüin Jehová naapajüin nanüiki soʼunnaa tü alatakat namüin sümaa nükaalinjain naya, akatsüinraasü maʼin nanoula. Anasüjeseʼe pansaale wanüiki wachuntapa nümüin Maleiwa wanee kasa otta jülüja waaʼin tü naaʼinrakat Jehová süpüla nusoutuin wamüin. Eeshi süpüla nusoutuin wamüin Jehová sükajee wanee kasa nnojotka waʼatapajüin jee shiale wainmain tü kasa naapakat wamüin suulia tü wachuntakat nümüin (2Co 12:7-9; Éf 3:20). Wekirajaa sünain waneirua kasa nusoutaka akajee wamüin Jehová.

• Soʼunnaa müliaa nükatsüinrüin waaʼin, nütütüleʼerüin waaʼin otta nükatsüinrüin wanoula (Flp 4:13, TNM).

• Naapüin kekiwaa wamüin süpüla anain tü waneekakat (Snt 1:5).

• Yalayalasü waaʼin nutuma süpüla waaʼinrüin wanee kasa (Flp 2:13).

• Jutatüsü waaʼin nutuma shapaale maʼin waaʼin (Flp 4:6, 7).

• Naapüin tü choʼujaakat wamüin jee nütütüleʼerüin waaʼin nakajee na waneinnua (1Jn 3:17, 18).

• Nükaalinjain na wayuu wachuntakana aaʼu (Alu 12:5, 11).

SÜCHIKIJEE JÜNAJÜIN TÜ VIDEOKOT NIA JEHOVÁ «CHI AAPAJAKAI WANÜIKI», JUSOUTA SHIʼIPAJEE TÜÜ:

• ¿Jamüsü sütütüleʼeraka naaʼin na wawalayuu ayuuikana tü nukuwaʼipakat Shimizu?

• ¿Kasa waaʼinrajatka süpüla washatüin nukuwaʼipa Shimizu?