Anasü maʼin tü aainjünakat süpüla süneekünüin tia pütchikat. Wainma na wawalayuu jalouikana amüin tia pütchikat eere naküjain pütchi. Süka naatawalin sukuwaʼipa wayuu sainküin mma, eesü süpüla neeʼiratüin na wawalayuukana sukuwaʼipa tia pütchikat jee shiale naküjain süka wanee pütchi naatajatü kamalainjeetka sümüin wayuu eere naküjain pütchi. Süneekünapa wanee kasa waküjainjatka aka pütchi soʼu wanee kashi, jüüjüü waya sümüin. Tü keeʼireekat waaʼin shia wekeraajüin tü nuluwataakalü anain waya Jesús sünain waküjain pütchi süchiki Nuluwataainjachin Jehová (Mt 24:14).

Nikirajüinjachire wanee wawala sünain tü outkajawaakat Wakuwaʼipa otta Waʼyataain nümüin Maleiwa, nikirajüinjatü anain tü aashajaanakalü achiki sulu’u «Wanüikinjatka sünain aküjaa pütchi». Shia eeka süpüla nuʼwanajaain sükuwa’ipa nünüiki nüsakirüinjatpa wayuu, tü wetsiikulokot, tü pütchi nüsakirüinjatkalü anain süpüla nüleʼejüin nüchikuaʼa namaʼanamüin na wayuukana otta jaralin kamüinjatüin tü pütchikat. Naaʼinrüinjatü tia wanaapünaa sümaa sukuwaʼipa wayuu eere nüküjain pütchi. Nnojoluinjatü niiʼiratüin tia pütchikat süküjünüle nümüin ayatüinjatüin shia nutuma. Pütchikat tüü, sunouteʼerüin tü aküjünakat suluʼu Wekirajaayainjatü sünain tü outkajawaakat ojuʼitaka juunioʼu 8 soʼu 2020.