Süpüla settienpüroʼu aküjeena maʼin waya pütchi sümüin wayuu maʼleekalia süchiki sülüʼülüin nükalia Maleiwa süpüla aluwatawaa, chi ajaʼttirüinjachikai tü kasa müliakalü atuma saaʼin wayuu (Mat. 24:14, TNM). ¿Kasa paaʼinrajatka süpüla yapain pia settienpüroʼu? Anasü paashajeʼerüle suluʼujee tü Bibliakat wanee pütchi aashajaaka süchiki nuluwataainjachin Maleiwa. Paashajeʼera tia namüin na wayuu püküjainjanakana amüin pütchi. Eere wanee wayuu kamalainka amüin tü pütchikat, paapa nümüin tü rewiisütakat Aapiria Wayuu nuumero 2 ojuʼitaka soʼu 2020 (süpülajatka wayuu süpüshuaʼa). Püchajaa sukuwaʼipa süpüla puuyantamaatüin nümaʼanamüin chia wayuukai jee süpüla pikirajüin nia sünain tü Bibliakat sükajee tü poyeetokot Anainjatka atuma pukuwaʼipa waneepia. Na pürekutsooleenakana aaʼusiliaat eesü süpüla naneeküin naküjain pütchi 15 jee shiale 30 oora süpüla settienpüroʼu.

Alüʼütsü maʼin sükalia süpüla najaʼttirüinjanain Maleiwa napüshuaʼa na sülaülashiikana mma (Da 2:44; 1Co 15:24, 25, TNM). Anasü wajayatüle tü kashikat settienpüroʼu süpüla sütüjaanüin aaʼu nümaajanain waya Jehová, chi wachekakai süpüla nuluwataain waaʼu.