Eeshii wawalayuu kakaliainnakana sünain aʼyatawaa nümüin Jeʼwaa eere woutkajaain. Sutuma kanoulain maʼin naya nünain Jeʼwaa, wainmeerü tü kasa watüjakat nanainjee. Wasakira naya sünain jamapuʼuin sukuwaʼipa nupueulose Jeʼwaa jee tü kasa naainjakat Jeʼwaa napüleerua süpüla nachecherüin naaʼin. Eeshii süpüla wounejaain naya wawalayuukana waʼwaajapa Jeʼwaa sümaa wapüshi süpüla naküjain wamüin tü naaʼinrakat.

Kakaliaichire pia sünain aʼyatawaa nümüin Jeʼwaa, püküja tü alatakat pümüin namüin na jimaʼaliikana jee na majayünnüükana. Nüküjapuʼuin Jacob nümaa José namüin na nüpüshikana tü naainjakat Jeʼwaa napüleerua (Gé 48:21, 22; 50:24, 25). Süchikijee tia, nuchuntuin Jeʼwaa namüin na kachonshiikana yootuinjanain namaa na nachonniikana süchiki tü kasa pülasü naainjakat niakai (Dt 4:9, 10; Sl 78:4-7). Maaʼulu yaa, na kachonshiikana otta na wane anoujashiikana eesü süpüla naküjain namüin na jimaʼaliikana jee namüin na majayünnüükana tü kasa anasü naaʼinrakat Jeʼwaa sükajee tü nupueulosekat.

SÜCHIKIJEE JÜNAJÜIN TÜ VIDEOKOT PAAʼINWASHII MAYAAINJEʼE MÜLIAIN NAYA, JUSOUTA SHIʼIPAJEE TÜÜ:

• ¿Kasa saainjaka tü Weteet chakat Austria süpüla sükaalinjain na wawalayuu kepiakana chaa eere süpülajünüin tü aküjaakat pütchi?

• ¿Kasa naaʼinraka naya wawalayuukana süpüla ayatüin katchin tü nanoulakat?

• ¿Jamüshii nakatalaaka suulia nupueulose Jeʼwaa waneinnua wawalayuu chakana Rumania? ¿Jamüshii süpüla kottuin naya nachikuaʼa?

• ¿Jamüsü katchinka punoula sutuma videokot tüü?