Süpüshi tü wekirajakalü aka wayuu shia tü poyeetokot, ¿Jaralii na aaʼinrakana maaʼulu tü nüchekakat Jeʼwaa? Süpülajatü weʼiküin na wekirajüinkana. Eeshii süpüla wekirajüin naya woʼttaiwaʼaya jee sajaʼlajaapa wanee ekirajaaya. * Suluʼu ekirajaaya 1-4, aküjünüsü nachiki na aküjüliikana pütchi nüchiki Jeʼwaa; suluʼu ekirajaaya 5-14, aküjünüsü tü naaʼinrakat otta suluʼu ekirajaaya 15-28, aküjünüsü süchiki sukuwaʼipa naʼyataain. Anasü shikirajaanüle anain tü poyeetokot suʼttianainjee, aluʼusaʼa nütüjaweere aaʼu wanee pütchi naatajatü chi wekirajüinkai. Palitchon tü ekirajaayakat, suluʼusü waneesia süpana otta eesü süpüla shikirajaanüin anain soʼu jaʼrai jee poloo minuuto.

• Püsakira nia sünain tü asakinnakalü anain suʼttianainjee wanee ekirajaaya.

• Paashajeʼera tü pütchikat, eesü süpüla paashajeʼerüin süpüshuaʼa wanee ekirajaaya otta paashajeʼerüle tü pütchikat waneʼewai sukua.

• Yooto jia süchiki tü pütchi jaashajeʼerakat. Püsakira nia süka tü asakiraa yalakat sajaʼttiamüin wanee ekirajaaya otta sünain tü ayaakuaakalüirua. Püneeka tü wetsiikulo paashajeʼerüinjatkat nümaa otta tü jikirajaainjatkalü anain. Piiʼiyata nümüin tü pütchi yuuikat jee püma nümüin shiain susouktia tü asakinnakalü anain suʼttiajee wanee ekirajaaya.

• Eere tü pütchikat «Pütüjeere sooʼomüin» sünain wanee ekirajaaya, jaashajeʼera shia otta püma nümüin chi pikirajüinkai naainjaiwa tü sümakat tia pütchikat.