Wanüikinjatka sünain aküjaa pütchi
●○○ SOʼU PALAJATKA PUKUA
Ounejawaa wayuu sünain tü Outkajawaakat eere Sotuin Waaʼin Outuin Jesuu (maatsoʼu 3-31): Wounejaain wayuu sünain wanee outkajawaa anashaatasü maʼin. Anuu tü pümüinjatkat. Outkajaainjatü watta saalii wayuu sainküin mmaka maatsoʼu 31, süpülajatü sotuin waaʼin tü kaʼi outaka oʼu Jesuu. Sünain karaloʼutakat tüü, ashajünüsü jalapüshinjatüin otta jalainjatüin shia. Wanee semaana süpülapünaa tia, eeshijaʼa süpüla pürütkaain sünain aapajaa wanee pütchi anasü maʼin maka anülia: «¿Pütüjaa aaʼu jaralin Jesukürisüto?».
Kamalainre tü pütchikat nümüin, anuu tü pusoutuinjateetkat: ¿Kasapülajachi outaka Jesuu?
○●○ PUUYANTAPA PÜCHIKUAʼA
Püsakira: ¿Kasapülajachi outaka Jesuu?
Wetsiikulo: Mt 20:28
Pikirajüinjateetka anain: ¿Kasa eeka sünainjee naapajiraain nikii Jesuu?
○○● PIANTUAPA PUUYANTÜIN
Püsakira: ¿Kasa eeka sünainjee naapajiraain nikii Jesuu?
Wetsiikulo: Ro 6:23, TNM
Pikirajüinjateetka anain: ¿Kasa waaʼinrajatka kojutule wamüin naapajiraain nikii Jesuu?
