• Püshaja jalain kepiain pia. Nnojorüle anain saaʼin pümüin tüü, püsakira na laülaashiikana müleka eere süpüla püshajüin tü dirección kaluʼukat tü Piichi Outkajaaleekat. NNOJO püshajüin tü dirección eere Weteet.

• Pütüjaale saaʼu kasaichin nünülia chi wayuukai, eesü süpüla püshajüin shia sünain tü karaloʼutakat. Müle shia putuma, nütüjaajeerü aaʼu nnojoluin shiain wanee karaloʼuta eitajünaka natuma na oikaaliikana.

• Püshajapa, jülüjainjatü paaʼin anainjatüin süshajia tü pütchikat suulia perain shia. Wuleinjatü tü karaloʼutakat otta anainjatü shiyolojo. Püshajüle süka lapicero, anainjatü putuma süpüla shiyaawatünüin aaʼu tü püshajakat. Piiʼiyatüinjatü kojutuin pümüin na wayuu püshajakana amüin.

Tü ashajünakat sünain tü pütchi yaakat pikialuʼujee, ashanuushi sünainjee tü yaakat ashajünüin iipünaa. Püshajüinjachipa wanee karaloʼuta nümüin wanee wayuu eere püküjain pütchi, nnojo püshajüin süpüshuaʼa tü ashajünakat sünain tü pütchi yaakat pikialuʼujee. Püshaja tü karaloʼutakat wanaapünaa sümaa nukuwaʼipa chi wayuu puluwataainjachikai amüin shia otta tü puunteekat sükajee tia karaloʼutakat.