Juyawai, wounejaain na wayuukana sünain tü Outkajawaakat eere Sotuin Waaʼin Outuin Jesuu. Soʼu tia, wounejaain na wayuu nnojoliikana weʼraajüin, wounejaainjanapejeʼe na weʼraajakana. Sutuma neʼraajüin waya, eeshii süpüla noʼunuin waapapa tü karaloʼutakat namüin (yb08-S 11 püt. 3; 14 püt. 1). ¿Jaralii wounejaainjanaka?

• Na wapüshikana.

• Na aʼyataakana wamaa jee nayale na koleejiakana wamaa.

• Na kepiakana pejepünaa wanain.

• Na wantakana epialuʼumüin, na wekirajakana otta na wekirajapuʼukana.

Na laülaashiikana, nounejaainjana na ooʼulaakana suulia aküjaa pütchi. ¿Jama puunejaweere wanee piʼraajüin wattakai epia? Süpüla pütüjaain saaʼu jalainjatüin otta jalapüshinjatüin tü outkajawaa pejekat sünain nipia, piʼitaa clic sünain eere WACHIKI sümüin, iipünaa sünain tü pantallakat suluʼu jw.org. Piʼitaajeetka clic sünain «Tü Outkajawaakat eere Sotuin Waaʼin Outuin Jesuu». Püsakira paaʼin jooluʼu jaralin na eekana süpüla puunejaain otta paainja shia.