Wainma kasa watüjaka sünainjee tü alatakat namüin na israeliitakana chaa Moab (1Co 10:6, 8, 11). Aʼaleewajaashii maʼin na israeliitakana namaa na jieyuu moabiitakana. Jieyuu naya maaʼinsalii otta aʼwaajüshii neʼe maleiwayaasü. Sutuma nemeejünüin na israeliitakana natuma na jieyuu moabiitakana, aʼluwajiraashii nakuwaʼipa namaa naya jieyuukana otta naʼwaajüin namaleiwase. Watta naalii na outakana sutuma tia naainjalakat (Nú 25:9). Kepiashii waya saʼaka wayuu manoujainsat. Eeshiijaʼa nayale na aʼyataakana wamaa, na koleejiakana wamaa, na kepiakana waʼütpünaa jee na wapüshikana. Soteesüjeseʼe waaʼin mojeerüin wakuwaʼipa maʼaka naaʼin na israeliitakana waʼaleewajaale namaa na wayuu nnojoliikana aʼyataain nümüin Jeʼwaa.

SÜCHIKIJEE JÜNAJÜIN TÜ VIDEOKOT JALIA WAAʼINRAJAYAAI TÜ KASA MOJUSÜ NAAʼINRAPUʼUKAT (SHIʼIPA NEʼE), JUSOUTA SHIʼIPAJEE TÜÜ:

• ¿Jamüshi maaʼawaka Zimrí namaa na waneinnua sünain tü namakat nümüin Jamín?

• ¿Jamüsü nünüiki Finehás nümüin Jamín süpüla niyaawatüin saaʼu tü nüchekakat Jeʼwaa napüleerua?

• ¿Jamüsüche waneeka sümüin kamaneere waya nümüin wanee wayuu nnojoikai aʼyataain nümüin Jeʼwaa suulia tü aʼaleewajawaakat nümaa?

• ¿Jamüsü jülüjainjatka waaʼin jaraliin na anakana süpüla waʼaleewajaain amaa jaʼitaina wawalayuuin naya?

• ¿Jamüshii nnojoluinjanaka waya aashajaain suluʼupünaa Internet namaa na wayuu nnojoliikana weʼraajüin?