Kakaliale waya müliain sutuma wanee kasa, eesü süpüla sümatsüinjaain waaʼin. Nütüja aaʼu David nnojoleechin müliain nia waneepia nutuma Saúl otta nuluwataajeechin maʼaka nüküjain shia Jehová (1Sa 16:13). Nnojotsü ashapajaain naaʼin David süka kanoulain nia, niʼitaain naaʼin nunouteʼerüinjatüin Jehová tü kasa mojusü alatakat nümüin.

Suuʼulakünüle waaʼin, anashii kekiire waya, wayaawata saaʼu wakuwaʼipa jee jülüjaa waaʼin tü kasa anasü eekat sutuma wachecherüin waaʼin (1Sa 21:12-14; Pr. 1:4). Eesüjaʼa nnojorüle sunoutaamaatüin wanee kasa mojusü alataka wamüin jaʼitairü wachajaain maʼin sukuwaʼipa süpüla wanouteʼerüin shia jee waaʼinrüle tü sümakat tü Bibliakat. Müle tü alatakat wamüin, wooʼulaa niain Jehová anouteʼerüin sukuwaʼipa. Alüʼütsü sükalia süpüla najaʼttirüin Maleiwa süpüshuaʼa tü kasa müliakalü atumaa waaʼin, müiria nnojoluin shia (Alat 21:4). Jülüja waaʼin nnojoleenain wooʼulakünüin aaʼin waneepia, eesü süpüla nunouteʼeramaatüin Jehová tü kasa alatakat wamüin jee sunoutaale neʼe mapa. Aashin anain waaʼin sutuma wayaawatüin saaʼu tia.

SÜCHIKIJEE JÜNAAJÜIN TÜ VIDEOKOT PAAʼINWAJIRAASHII WANEEPIA NA SULUʼUKANA NUPUEULOSE JEHOVÁ, JUSOUTA SHIʼIPAJEE TÜÜ:

• ¿Kasa kapüleeka maʼin namüin waneinnua wawalayuu kepiakana Estados Unidos?

• ¿Kasa naaʼinraka sutuma aipüraliin maʼin naya jee nnojoliin süshapajaain naaʼin?

• ¿Kasa naaʼinmaaka maʼin na wawalayuukana? (Flp 1:10).