Aijiraashii maʼin na wayuu aleewajiraakana. Süchikijee nuʼutunuin aaʼin Goliat nutuma David, aleewajiraashi maʼin nia nümaa Jonatán (1Sa 18:1). Aleewajiraashii maʼin naya sünainjee anain maʼin nakuwaʼipa piamaleʼeya. Choʼujaasüjeseʼe weʼraajüin wanee wayuu palajana süpüla aleewain waya nümaa otta nnojotsü weʼraajamaatüin wayuu, Nnojotpejeʼe müin sukuwaʼipa suluʼupünaa tü kanüliakat redes sociales, mapüleechonsat eʼraajaa wayuu suluʼu otta eeshii na aküjakana alawaa süpüla nemeejüin na waneinnua. Müsüjeseʼe jülüjainjatüin waaʼin jaraliin na waneekakana süpüla waʼaleewain suluʼupünaa Internet. Nnojorüle piʼraajüin wanee wayuu, nnojotsü anain paʼaleewajaale sümaa suluʼupünaa Internet jaʼitairü jashichin shia sünainjee tia. Süka eein süpüla sumojujaain wakuwaʼipa redes sociales eeshii na aneekakana nnojoliin ekerotuin suluʼu. Jama püneeküle pikerotüin suluʼu redes sociales, ¿kasa jülüjainjatka paaʼin?

SÜCHIKIJEE JÜNAJÜIN TÜ VIDEOKOT SULUʼUINJACHIRE PIA REDES SOCIALES, EEJA MAʼIN PAAʼIN, JUSOUTA SHIʼIPAJEE TÜÜ:

• ¿Kasa jülüjainjatka paaʼin süpülapünaa piʼitaain piyaakua jee shiale püshajüin wanee kasa suluʼupünaa redes sociales?

• ¿Jamüsü jülüjainjatka paaʼin na püneekakana süpüla paʼaleewain suluʼupünaa Internet?

• ¿Jamüsü nnojotka anain pülatirüle wainma oora suluʼupünaa redes sociales? (Ef 5:15, 16, TNM).