WAKUWAʼIPA SÜNAIN ANOUJAA
«Paaʼinmaja tü paaʼinkat»
Anuu wanee pütchi nüshajaka Salomón nutuma Maleiwa: «Paaʼinmaja tü paaʼinkat suulialeʼeya kasa süpüshuaʼa süka kateerüin poʼu sünainjee» (Pr 4:23). Ooʼulaashii na israelitakana suulia naʼyataain nümüin Jehová süka süpüshuaʼa naaʼin (2Cr 6:14). Aʼwaajüshi Salomón maleiwayaasü sutuma nuuʼulaain sumojujeʼerüin tü naaʼinkat tü nuʼwayuuse manoujainsatkalüirua nünain Jehová (1Re 11:4). ¿Kasa paaʼinrajatka süpüla paaʼinmajüin tü paaʼinkat? Tia shia tü saashajaakalü achiki Aapiria Wayuu ojuʼitaka eneeroʼu soʼu 2019 süpana 14-19.
SÜCHIKIJEE JÜNAJÜIN TÜ VIDEOKOT WATÜJAKA SÜNAINJEE «AAPIRIA WAYUU»: WAAʼINMAJA TÜ WAAʼINKAT, JUSOUTA SHIʼIPAJEE TÜÜ:
¿Kasa mojeeka atuma nanoula naya wawalayuukana? ¿Kasa natüjaka sünainjee tü pütchi ojuʼitakat suluʼu Aapiria Wayuu süpüla naaʼinmajüin tü naaʼinkat?
-
Brent sümaa Lauren
-
Umjay
-
Happy Layou
¿Kasa pütüjaka suluʼujee tia ekirajaayakat?