Aaʼuriiroʼu 1-7
SALMOS 23-25
Jayeechi 4 otta oʼuraajaa | Pütchi suʼttiainjatka (1 min.)
1. «Nia Jehová arüleejaka taya»
(10 min.)
Nuʼunirüin wakuwaʼipa Jehová otta naaʼinmajüin waya (Sl 23:1-4; w22.01 3, 4 püt. 5, 6).
Nikirajüin waya Jehová (Sl 23:5; w11-S 1/5 31 püt. 5).
Naaʼinmajüin Jehová na aʼyataashiikana nümüin maʼaka naaʼinmajüin naʼanneetse wanee arüleejüi.
PÜSAKIRA PAAʼIN: «¿Kasa naaʼinraka Jehová süpüla naaʼinmajüin taya?».
2. Püchajaa süchiki kaaʼürüi suluʼu tü Bibliakat
(10 min.)
Sl 23:3. ¿Jarat tü wopu lotuinjatkalü atuma wakuwaʼipa? ¿Kasa waaʼinrajatka suulia wojunujaain suulia? (w11-S 15/2 24 püt. 1-3).
Sünainjee tü paashajeʼerakat soʼu semaanakat tüü, ¿jarat tü pütchi kamalainkat pümüin?
3. Wetsiikulo aashajeʼennajatka
(4 min.) Lu 10:1-14 (th ekirajaaya 5).
4. Atüjainjachi pia yootirawaa
(3 min.) EEPÜNAALE PIA. Paashajeʼera wanee wetsiikulo nümüin wanee wayuu aküjakai pümüin shapaain naaʼin sutuma sumojujunüin tü Mmakat (lmd ekirajaaya 2 pütchi 5).
5. Ayataʼaya pikirajüin wayuu
(4 min.) SAINKÜIN MIICHI. Piiʼiyata nümüin chi wayuu achekakai tü poyeetokot Anainjatka atuma pukuwaʼipa waneepia jamüin sukuwaʼipa ekirajawaa sünain tü Bibliakat (lmd ekirajaaya 9 pütchi 3).
6. Pikiraja wayuu
(5 min.) lff ekirajaaya 14 pütchi 4 (lmd ekirajaaya 11 pütchi 3).
Jayeechi 54
7. Nnojo woonooin sümaa pütchi eekai eein suulia wemeejünüin
(15 min.) Ekirajawaa namaa na jutkatüshiikana.
Akoutsü tü anneetkat nüchiirua chi arüleejüikai, kaaʼinpejeʼe nuulia chi nnojoikai shiʼraajüin (Jn 10:5). Müshiʼiya wayakana, oonooshii waya sümaa nünüiki Jehová otta Jesús, na arüleejakana waya (Sl 23:1; Jn 10:11). Otta wayoutuin tü namakat na ekirajakana alawaa süpüla namalajeʼerüin wanoula (2Pe 2:1, 3).
Suluʼu Génesis kapiitulo 3 aküjünüsü nüchiki chi palajachikai aküjain alawaa. Kanüikiyaasü wanee wüi nutuma Satanás süpüla nimeejüin Eva jee süpüla nnojoluin shiyaawatüin aaʼu jaralin nia. Aküjashi nia perulaa nüchiki Jehová, soonooka Eva sümaa tia. Mojukalaka sukuwaʼipa namaʼaleeya na süpüshikana.
Maaʼulu yaa nüchajaain sukuwaʼipa Satanás süpüla wainmajüin waaʼin nüchiki Jehová jee nachiki na wawalayuukana. Naaʼinrüin tia sükajee notiisia aküjaka achiki alawaa jee perulaa. Jalia waya suulia waapaʼalaain sümaa tü namakat na ekirajakana alawaa. Jaʼitairü waapajüin nanüiki neʼe motsoʼo, mojusia tia. Nnojotsü wainmain nünüiki Satanás süpüla nimeejüin Eva (Gé 3:1, 4, 5). ¿Jama niale aküjain wamüin alawaa nachiki na wawalayuukana wanee wayuu weʼraajaka jee aikai wapüla? ¿Kasa waaʼinrajatka?
Piʼitaa tü VIDEOKOT Nnojo woonooin sümaa pütchi eekai eein suulia wemeejünüin. Püsakira sünain tüü:
¿Kasa watüjaka sünainjee Jade wanaa sümaa shiiʼiyatüin tü shiikat sümüin tü alawaa aküjünakat nachiki na wawalayuukana?
8. Ekirajawaa sünain tü Bibliakat namaa na wawalayuukana
(30 min.) bt ekir. 8 püt. 1-4 otta tü pütchi süttakat suluʼuka süpana 69, 70.
