Aaʼuriiroʼu 29–maayoʼu 5
SALMOS 34, 35
Jayeechi 10 otta oʼuraajaa | Pütchi suʼttiainjatka (1 min.)
1. «Taʼwaajeechi Jehová süpüla kaʼikat süpüshuaʼa»
(10 min.)
Ayatüshia aʼwaajünüin Jehová nutuma David soʼunnaa niʼrüin nümüliala (Sl 34:1; w07-S 1/3 22 püt. 11).
Nia Jehová nuʼwaajaka David, nnojoishi nia aʼwaataain suluʼu nukuwaʼipa (Sl 34:2-4; w07-S 1/3 22 püt. 13).
Sükajee nuʼwaajünüin Jehová nutuma David, akatsüinraasü naaʼin na waneinnua (Sl 34:5; w07-S 1/3 23 püt. 15).
Süchikijee nuʼunuin David nümaʼanajee Abimélec, antüshii 400 wayuu nümaʼanamüin chaa isashiipaʼa süpüla nümaainjanain naya süka mojuin namüin tü naaʼinrakat Saúl (1Sa 22:1, 2). Eesüjaʼa shiale jülüjain naaʼin David tia wanaa sümaa nüshajüin Salmo 34.
PÜSAKIRA PAAʼIN: «¿Kasa taaʼinrajatka süpüla kojutuin tamüin Jehová yootopa taya nümaa wanee wayuu sünain tü outkajawaakat?».
2. Püchajaa süchiki kaaʼürüi suluʼu tü Bibliakat
(10 min.)
-
Sl 35:19. ¿Kasa nüküjeeka achiki David wanaa sümaa nümüin «nnojo puuʼulaain nachimirüin noʼuwalaʼata na aʼürülaakana tanain»? (w06-S 15/5 20 püt. 2).
-
Sünainjee tü paashajeʼerakat soʼu semaanakat tüü, ¿jarat tü pütchi kamalainkat pümüin?
3. Wetsiikulo aashajeʼennajatka
(4 min.) Jn 4:1-15 (th ekirajaaya 5).
4. Atüjainjachi pia yootirawaa
(2 min.) EEPÜNAALE PIA. Apütaainjachi püpüla chi wayuu yootokai amaa pia süpülapünaa püküjain pütchi nümüin (lmd ekirajaaya 1 pütchi 4).
5. Ayataʼaya pikirajüin wayuu
(4 min.) EEPÜNAALE PIA. (lmd ekirajaaya 2 pütchi 4).
6. Pikiraja süchiki tü punoujakalü anain
(5 min.) Eeʼiyatünajatü sukuwaʼipa. ijwfq 59. Sünülia: ¿Kasa naaʼinraka na aküjaliikana pütchi nüchiki Jehová süpüla natüjaain saaʼu anale süpüla naaʼinrüin wanee miʼiraa? (th ekirajaaya 17).
Jayeechi 59
7. Apünüinsü sukuwaʼipa süpüla waʼwaajüin Jehová sünain tü outkajawaakat
(15 min.) Ekirajawaa namaa na jutkatüshiikana.
Wekirajaa süchiki apünüinsü kasa waaʼinrajatka süpüla waʼwaajüin Jehová sünain tü outkajawaakat.
Yootojiraa waya: Waashajaa süchiki tü nümaneekat Jehová wamüin namüin na waneinnua (Sl 145:1, 7). ¿Paashajeʼerüitche jee paapüitche pütchi anaka atuma pukuwaʼipa? ¿Alatüsüche pümüin kasa anasü sünain aküjaa pütchi? ¿Akatsüinraasüche paaʼin sünainjee tü nümakat wanee wawala jee shiale sünainjee tü naaʼinrakat? ¿Eeiria ponuin paaʼin wanee kasa sünainjee tü nukumalakat Jehová? Süpüshuaʼa tia, naapajala shia Jehová wamüin (Snt 1:17). Pünta maalü sünain tü outkajawaakat süpüla paashajaain namaa na waneinnua.
Wasouta sünain: Wachajaa sukuwaʼipa süpüla wasoutuin sünain tü outkajawaakat, jaʼitasü uwatuain neʼe (Sl 26:12). Loto wanüiki wasoutapa shiʼipajee tü asakinnakalü anain jee shiale waküjain sooʼomüin tü pütchi asakinnakalü anain. Püküja süchiki tü pütchi ashajünakat suluʼujee tü Bibliakat, süchiki tü ayaakuaakat jee tü pütüjakat sünainjee tü ekirajaayakat. Süka kojuyain na wawalayuu ayalerakana najapü süpüla nasoutuin sünain tü outkajawaakat, anasü yapale putuma kojuyasü pütchi. Wainmeena na wawalayuu asoutakana nnojorüle sülatüin wanüiki suulia 30 sekunto (Heb 13:15).
Weeʼiraja jayeechi: Weeʼiraja süka süpüshuaʼa waaʼin nümüin Jehová (Sl 147:1). Eeshijaʼa nnojoire püneekünüin süpüla pusoutuin sünain tü outkajawaakat, shialeekajaʼa wattale naalii na wawalayuu puutkajaakana amaa. Eepejeʼe süpüla piiʼirajüin jayeechi wanaa namaa. Jaʼitasü nnojoluin anain maʼin pümüraluʼu sünain eeʼirajaa, piiʼiraja süka süpüshuaʼa paaʼin nümüin Jehová. Talateechikalaka nia pümaa (2Co 8:12). Puuʼulaka piiʼirajüin chaa pipialuʼu tü jayeechi eeʼirajünüinjatkat.
Piʼitaa tü VIDEOKOT Anasü tü waʼyataainkat shiʼipaʼaya: Tü jayeechi waʼwaajakalü aka Maleiwa (shiʼipa 1). Püsakira sünain tüü:
¿Jamüsü watüjaaka saaʼu anain maʼin eeʼirajaa jayeechi nümüin Maleiwa?
8. Ekirajawaa sünain tü Bibliakat namaa na wawalayuukana
(30 min.) bt ekir. 9 püt. 1-7, suʼttia tü shiʼipakat 3 otta tü pütchi süttakat suluʼuka süpana 78.
