Maatsoʼu 4-10
SALMOS 16, 17
Jayeechi 111 otta oʼuraajaa | Pütchi suʼttiainjatka (1 min.)
1. «Piakai Jehová chi aapakai tamüin süpüshuaʼa tü kasa anasükat»
(10 min.)
Talatüshii waya aleewale waya namaa na aʼyataakana nümüin Jehová (Sl 16:2, 3; w18.12 23 püt. 11).
Talatüshii waya aleewale waya nümaa Jehová (Sl 16:5, 6; w14-S 15/2 29 püt. 3).
Anasü waaʼin sutuma naaʼinmajüin Jehová wanoula (Sl 16:8, 9; bh 116 püt. 5).
Maʼaka naaʼin David, talatüsü waaʼin sutuma waaʼinmaain waʼwaajüin Jehová, chi aapakai kasa anasü wamüin.
PÜSAKIRA PAAʼIN: «¿Jamüsü takuwaʼipa maaʼulu süka teʼraajüitpain nukuwaʼipa Jehová?».
2. Püchajaa süchiki kaaʼürüi suluʼu tü Bibliakat
(10 min.)
-
Sl 17:8. ¿Kasa aküjüneeka achiki sükajee tü pütchikat «paaʼinmaja taya maʼaka paaʼinmajüin tü poʼukot»? (w24.01 27 püt. 6).
-
Sünainjee tü paashajeʼerakat soʼu semaanakat tüü, ¿jarat tü pütchi kamalainkat pümüin?
3. Wetsiikulo aashajeʼennajatka
(4 min.) Lu 2:1-20 (th ekirajaaya 5).
4. Atüjainjachi pia yootirawaa
(1 min.) SAINKÜIN MIICHI. Paapa tü ounejaaya süpülajatkat tü Outkajawaakat eere Sotuin Waaʼin Outuin Jesús (th ekirajaaya 11).
5. Atüjainjachi pia yootirawaa
(3 min.) SAINKÜIN MIICHI. Paapa tü ounejaaya süpülajatkat tü Outkajawaakat eere Sotuin Waaʼin Outuin Jesús. Sutuma kamalain nümüin chi wayuukai tü pütchikat, pikiraja nia sükajee tü videokot Puutkajaa wamaa süpüla sotuin waaʼin outuin Jesús (th ekirajaaya 9).
6. Atüjainjachi pia yootirawaa
(2 min.) EEPÜNAALE PIA. Paapa tü ounejaaya süpülajatkat tü Outkajawaakat eere Sotuin Waaʼin Outuin Jesús (th ekirajaaya 2).
7. Pikiraja wayuu
Jayeechi 20
8. Yapa waya süpüla tü Outkajawaakat eere Sotuin Waaʼin Outuin Jesús
(15 min.) Ekirajawaa namaa na jutkatüshiikana.
Outkajaweena waya maatsoʼu 24 süpüla sotuin waaʼin outuin Jesús waaʼu, rimiinkoʼuleerü tia. Soʼu kaʼikat tia, soteerü waaʼin tü naaʼinrakat Jehová otta Jesús wapüleerua süka alin maʼin waya napüla (Lu 22:19; Jn 3:16; 15:13). ¿Kasa waaʼinrajatka süpüla yapain waya süpüla tia kaʼikat?
-
Puunejaa maʼin wayuu süpüla tia outkajawaakat otta süpüla naapajüin tü pütchi anakat maʼin süpülajatka wayuu süpüshuaʼa. Püshaja nanülia na puunejaweekana. Wattale kepiain chi wayuu puunejaakai, püchajaa suluʼu jw.org süpüla pütüjaain saaʼu jalainjatüin otta jalapüshinjatüin tü outkajawaakat.
-
Pükooʼomüinra piʼyataain nümüin Maleiwa soʼunnaa maatsoʼu otta aaʼuriiroʼu. Eeshi süpüla pürekutsoolin aaʼusiliaat pia, püneekaja pülatirüin 15 jee shiale 30 oora sünain aküjaa pütchi.
-
Soʼujee maatsoʼu 18 ekirajaaneerü anain tü alatakat wanee semaana süpülapünaa outuin Jesús. Eesü süpüla jüneeküin jeʼrainjatüin tü pütchi jikirajaainjatkalü anain soʼukaiwai, tü suluʼukat süpana 6 otta 7.
-
Soʼu tü kaʼi woutkajaainjatkalü oʼu wanaja tü videokot aʼwaajaa Maleiwa wattaʼa maalü eʼitaanaka suluʼu jw.org.
-
Soʼunnaa tü outkajawaakat, kamanee pia namüin na antapaatakana otta namüin na wawalayuu eemiajaakana anoula. Natüjaweere saaʼu wanee kasa püküja shia namüin. Ayataʼaya wachajaain sukuwaʼipa süpüla waashajaain namaa.
-
Sülüʼütpa sükalia tü outkajawaakat, wasakireʼera waaʼin sünain tü naaʼinrakat Jehová otta Jesús wapüleerua. Ayataʼaya waaʼinrüin tia soʼunnaa waneirua kaʼi.
Piʼitaa tü VIDEOKOT Puutkajaa wamaa süpüla sotuin waaʼin outuin Jesús. Püsakira sünain tüü:
¿Jamüsü anaka tia videokot süpüla wounejaain wayuu?
9. Ekirajawaa sünain tü Bibliakat namaa na wawalayuukana
(30 min.) bt ekir. 6 püt. 18-24 otta tü pütchi süttakat suluʼuka süpana 54.
