WAKUWAʼIPA SÜNAIN ANOUJAA
Sukuwaʼipainjatka watuma JW Library
WEKIRAJAAPA:
-
Paashajeʼera tü Wiwüliakat otta tü wetsiikulo aashajeʼennaka weinshi.
-
Paashajeʼera Anuario, rewiisütakalüirua otta waneeirua karaloukta. püchajaa eere sümüin «Marcadores».
-
Yapa putuma tü ekirajaanajatkalü anain sünain tü outkajawaakat. Otta pejeetta susouktia tü asakinnakalü anain.
-
Pünaja video.
WOUTKAJAAPA:
-
Püchajaa tü wetsiikulo nüküjakat chi ekirajakai. Süpüla püchajaain wetsiikulo paashajeʼerakat paala, püchajaa eere sümüin «Historial».
-
Suulia pülüʼüjüin wainma karaloukta, ee pümaʼana JW Library süpüla piiʼirajüin otta waneeirua kasa sünainpünaaka tü outkajawaakat. Eeitpa yala suluʼu tü jayeechi jekennuukat nnojotka suluʼuin tü eeʼirajiakat.
WAKÜJAPA PÜTCHI:
-
Eere wanee wayuu atüjaweeka saaʼu tü shiimainkat, piiʼiyata wanee pütchi nümüin suluʼujee JW Library, otta pükaaliinja nia süpüla nüshakatirüin JW Library suluʼu nüserulaatse jee nütabletase.
-
Süpüla püchajaain wanee wetsiikulo, püshaja eere «Buscar» sümüin wanee pütchi sünainpünaaka tia wetsiikulokot.
-
Piiʼiyata wanee video. Kachonle wanee wayuu, piʼitaa wanee video eeka suluʼu Aleewa pia nümaa Jeʼwaa. Eesü süpüla piiʼiyatüin tü videokot ¿Jamüshii wekirajaainjanaka sünain tü Wiwüliakat? süpüla nuʼttüin sünain ekirajawaa sünain tü Wiwüliakat. Naashajaale wanee anüikii naata, püchajaa wanee video eeka suluʼu nünüiki.
-
Piiʼiyata wanee wetsiikulo suluʼu wanee anüikii naata eekai püshakatirüin paala. Püchajaa tü wetsiikulokot, pükonoto sunuumerose, süchikijee pukonoto eere shiiʼiyatünüin kojuyasü Wiwülia.
Eesüjaʼa kamalainjeerüle pümüin aashajeʼeraa tüü
AKÜJASHII WAYA PÜTCHI SÜCHIKI NÜNÜIKI MALEIWA
Anasü maʼin aküjaa tü pütchi suluʼujeejatkat tü Bibliakat sükajee jw.org
Anasü maʼin tia páginakat namüin na aküjaliikana pütchi nüchiki Jehová, jimaʼalii, majayünnüü otta miyoʼuyuu. Sükajee tia páginakat, wainma wayuu nekirajaka süchiki sukuwaʼipa tü aluwatawaa eeinjatkat nutuma Maleiwa.
