Süpüla kottuin wanee wayuu sümaa nüpüshi, aijiraainjanain maʼin naya. Nnojorüle müin shia, katataʼaweena naya. ¿Kasa naaʼinrajatka na kaʼwayuuseshiikana jee na kachonshiikana süpüla aijiraainjanain maʼin naya?

Chi eekai kaʼwayuusein aipüralinjachin. Naapajüinjatü sünüiki nuʼwayuuse, jülüjainjatü naaʼin tü choʼujaakat sümüin otta tü jülüjakat saaʼin (Éf 5:28-30). Naapüinjatü tü kasa choʼujaakat sümüin nüpüshi otta tü katchinjatkalü atuma nanoula maʼaka saaʼin tü ai naʼwaajakalü oʼu Maleiwa (1Ti 5:8). Tü eekat kaʼwayuusein jüüjüüinjatü nümüin chi suʼwayuusekai otta kojutuinjachin nia sümüin (Éf 5:22, 33; 1Pe 3:1-6). Motuinjatü naaʼin piamaleʼeya tü mojukat natuma (Éf 4:32). Na kachonshiikana naaʼinmajüinjana nachonnii otta nekirajüinjana naya süpüla alinjachin Jeʼwaa napüla (Dt 6:6, 7; Éf 6:4). ¿Kasa kapüleeka namüin na tepichikana koleejialuʼu? ¿Kasa naaʼinraka suuʼulakünapa naaʼin? Müleka aijiraale maʼin naya aneerü nakuwaʼipa waneʼewai nakua.

SÜCHIKIJEE JÜNAJÜIN TÜ VIDEOKOT AYATA ALIN JÜPÜLA JUʼWAYUUSE OTTA JÜCHONNII, JUSOUTA SHIʼIPAJEE TÜÜ:

• ¿Kasa naaʼinraka chi wayuu kaʼwayuusekai süpüla niiʼiyatüin alin nüpüla nuʼwayuuse?

• ¿Kasa saaʼinraka tü jiet eekat kaʼwayuusein süpüla kojutuinjachin sümüin suʼwayuuse?

• ¿Kasa naaʼinraka na kachonshiikana süpüla nekirajüin nachonnii nüchiki Jeʼwaa?