Eejüinjatü naaʼin napüshuaʼa na anoujashiikana suulia tü yootshikat (Pr 23:20, 29-35; 1Co 6:9, 10). Nüsüinjachire wanee wayuu eejüinjatü naaʼin suulia sülanaʼaleein nüsüin. Nnojotsü isainjatüin naaʼin süchiirua tü yootshikat otta jülüjainjatü naaʼin nukuwaʼipa suulia mojushiin shia noʼuluʼu na waneinnua (1Co 10:23, 24; 1Ti 5:23). Nnojotsü apüleeruaanüinjatüin naaʼin wanee wayuu süpüla nüsüinjachin yootshi nayaleekajaʼa namüin na jimaʼaliikana jee na majayünnüükana.

SÜCHIKIJEE JÜNAJÜIN TÜ VIDEOKOT JALIA PIA SUULIA TÜ YOOTSHIKAT, JUSOUTA SHIʼIPAJEE TÜÜ:

• ¿Jamüshii noonooinjanaka na anoujashiikana sümüin tü napülajakat na sülaülashiikana mma süchiki tü yootshikat? (Ro 13:1-4).

• ¿Jamüshii nnojoluinjanaka wasüin yootshi wapüleeruaanüle aaʼin natuma na waneinnua? (Ro 6:16).

• ¿Kasa waaʼinrajatka süpüla eejüin waaʼin suulia tü yootshikat?