Wanaa sümaa wouyantüin wachikuaʼa namaʼanamüin na wayuukana jee wekirajapa naya sünain tü Bibliakat, wakaalinjainjanain naya süpüla nayaawatüin saaʼu tü wekirajeekalü anain naya. Kayaawasere watuma wekirajia, anteerü tü pütchikat suluʼumüin naaʼin jee soteerü naaʼin tü nekirajaakalü anain.

Soʼunnaa yapain putuma tü pünüikinjatkat nümüin chi wayuu puuyantüinjachika amaʼanamüin jee wanee wayuu pikirajakai sünain tü Bibliakat, püneeka tü pikirajeekat maʼin anain nia otta nnojo jülüjain paaʼin tü pütchi nnojotkat choʼujaain maʼin. Süchikijee püneeka tü shiyaawaseinjatkat putuma pünüiki, tü eʼnnaajünakat maʼin sutuma wayuu (Mt 5:14-16; Mr 2:21; Lu 14:7-11). Jülüja paaʼin tü natüjaakalü aaʼu na wayuukana jee jamüin maʼin nakuwaʼipa (Lu 5:2-11; Jn 4:7-15). Talateerü maʼin paaʼin nayaawatapa saaʼu tü pikirajeekalü anain naya.

SÜCHIKIJEE JÜNAJÜIN TÜ VIDEOKOT TALATA PAAʼIN SÜNAIN EKIRAJAA WAYUU. ATÜJAINJACHI PIA EKIRAJAA WAYUU: MAPÜLEE PUTUMA PIKIRAJIA, JUSOUTA SHIʼIPAJEE TÜÜ:

• ¿Jamüsü choʼujaaka wakaalinjüin na wekirajüinkana süpüla nayaawatüin saaʼu tü sümakat waneirua wetsiikulo?

• ¿Jamüsü sukuwaʼipa sutuma Neeta süpüla süküjain tü sümakat Roma 5:12?

• ¿Jamüsü watüjaaka saaʼu nayaawateerüin aaʼu na wayuukana tü pütchikat kayaawasere watuma wanüiki?

• ¿Jamüsü anaka wekirajüle na wayuukana süka video jee süka waneirua kasa eeka sutuma nupueulose Jeʼwaa?