Jülüjasü naaʼin Jesús tü alatakat soʼu nükalia süpüla nikirajüin pütchi anakat maʼin (Lu 13:1-5). Müsia neʼe maaʼulu, eeshi süpüla püküjain pütchi sünainjee tü kasa alatakat. Müle shia putuma, naapajeerü na wayuukana tü pütchi püküjakat namüin nüchiki Maleiwa. Süchikijee paashajaain süchiki kojutuin maʼin tü kasakalüirua, süsetüin wüin, sukutkujaain mma, eein tü kasachikikat, eein akamüjaa yüi jee waneirua kasa, eesü süpüla püsakirüin sünain tüü: «Saaʼin pümüin, ¿ajaʼttajatche eera...?» jee shiale «¿Jaratche anouteeretka tüü...?». Süchikijee, paashajeʼera wanee wetsiikulo wanaapünaaka sümaa tü paashajaakat. Kamalainre nümüin chi wayuukai tü pütchikat, piiʼiyata nümüin wanee video jee shiale wanee karaloʼuta sünainjee tü wekirajaakalü aka wayuu. Waküja pütchi atanaleetka saaʼin wayuu otta waaʼinra süpüshuaʼa kasa süpüla waküjain tü pütchi anasükat namüin na waneinnua (1Co 9:22, 23, TNM).

¿Kasa pütchi kamalainjeetka namüin na wayuukana eere püküjain pütchi?