Satanás namaa na nümaajanakana napalirajüin tü shiimainkat sümaa tü alawaakat süpüla namalajeʼerüin tü wanoulakat (2Co 11:3, TNM). Tia shia tü naaʼinrakat na asiriokana sümaiwa, nnojotsü maʼin naküjain tü shiimainkat jee aküjashii naya alawaa süpüla namalajeʼerüin naaʼin na israelitakana (2Cr 32:10-15). Müsia neʼe tü naaʼinrakat na ooʼulaakana suulia aʼyatawaa nümüin Jehová shiiʼiree naküjain alawaa, müsü nojuʼitirakai saaʼin naanüküluʼujee weneena. Müsüjeseʼe wayoutuinjatüin süpüshuaʼa tü naküjakat. Anasü wayaawatamaatüle saaʼu tü pütchi wainmajeetkalü atuma waaʼin sünain tü ekirajünakalü anain waya nüchiki Jehová jee müsia nachiki na aʼyataashiikana nümüin, wayouta süpüshuaʼa tia makat (Jud 3, 4).

SÜCHIKIJEE JÜNAJÜIN TÜ VIDEOKOT EEJIRAA JIA SUULIA SÜMAJALAAIN TÜ JUNOULAKAT (SHIʼIPA NEʼE), JUSOUTA SHIʼIPAJEE PÜTCHIKAT TÜÜ:

• ¿Jamüsü eejüinjatka waaʼin suulia tü waashajeʼerakat suluʼupünaa internet?

  Süpüla püshajüin pusoutia

• ¿Kasa waaʼinrajatka süpüla jüüjüüin waya sümüin tü sümakat Roma 16:17, TNM?

  Süpüla püshajüin pusoutia