¿Kasa wayu tü «Biblia en audio» münakat? Shia tü pütchi akürawaajuushikat suluʼujee Traducción del Nuevo Mundo jeketüka ojuʼitüin jee akürawaajünüsü shiʼipaʼaya suluʼu tü anüikii eekalü aluʼu tia Bibliakat. Anasü maʼin aapajaa tia pütchikat süka naneekünüin waneʼewai nakua na wawalayuu ashatajanakana nanüiki na aashajaanakana achiki suluʼu tü Bibliakat. Süpüla pansaainjatüin tü pütchi akürawaajünüinjatkat, aküjünüsü nümüin chi akürawaajüinjachikai niʼyalajüinjachire, talatüinjachire otta jashichinjachire nia.

¿Jamüsü anaka maʼin waapajüle tü pütchi akürawaajuushikat suluʼujee tü Bibliakat? Shia süka müin weʼrakai naaʼin jee waapajakai saaʼin nanüiki na aashajaanakana achiki suluʼujee tü Bibliakat otta wayaawata aaʼu tü aküjalaakat (Pr 4:5). Jutatüsü naaʼin waneinnua wawalayuu suulia shapawaa aaʼin naapajüle tia pütchikat (Sal 94:19).

Eesü süpüla anain pukuwaʼipa sutuma tü pütchi akürawaajuushikat suluʼujee tü Bibliakat (2Cr 34:19-21). ¿Eesüche wanee Biblia akürawaajünaka aluʼu wanee anüikii piyaawataka aaʼu? Eere shia, anasü paapajawaire.

SÜCHIKIJEE JÜNAJÜIN TÜ VIDEOKOT TÜ PÜTCHI AKÜRAWAAJUUSHIKAT SULUʼUJEE TÜ BIBLIAKAT: WAINMA AʼYATAWAA SÜNAIN (SHIʼIPA NEʼE), JUSOUTA SHIʼIPAJEE PÜTCHIKAT TÜÜ:

¿Kasa ponoko maʼin paaʼin sünainjee tü aainjünakat süpüla sükürawaajünüin tü Bibliakat?